ຫໍ​ປະຊຸມ​ແຫ່ງ​ຊາດກຽມພ້ອມ​ຮັບ​ໃຊ້​ກອງ​ປະຊຸມສຸ​ດຍອດ​ອາ​ເຊັມ 9






























(ຂປລ) ທ່ານ ອະພິໄຊຍະເດດ ອິນສີຊຽງໃໝ່, ຫົວໜ້າຄະນະຄຸ້ມຄອງໂຄງການຫໍ ປະຊຸມແຫ່ງຊາດ ໄດ້ແຈ້ງໃຫ້ຮູ້ໃນວັນທີ 8 ຕຸລາ 2012 ນີ້ ທີ່ຫໍປະຊຸມແຫ່ງຊາດ (NCC) ວ່າປະຈຸບັນການກໍ່ສ້າງຫໍປະຊຸມແຫ່ງຊາດ ໂດຍສະເພາະແມ່ນສິ່ງປຸກສ້າງ ໄດ້ສຳເລັດ 100% ແລ້ວ, ມີຄວາມພ້ອມທີ່ຈະເປີດທົດລອງນຳໃຊ້ກອງປະຊຸມອາ ເຊັມມາແຕ່ຕົ້ນເດືອນຕຸລານີ້, ຊຶ່ງຜົນສຳເລັດດັ່ງກ່າວແມ່ນໄດ້ຮັບການຮ່ວມໄມ້ຮ່ວມ ມືຢ່າງສະໜິດແໜ້ນກັບຝ່າຍຈີນ, ໄດ້ມີການລາຍງານປົກກະຕິ ແລະ ໄດ້ຮັບການຊີ້ ນຳຢ່າງໃກ້ຊິດຈາກຄະ ນະຜູ້ນຳລະດັບຊາດເພື່ອການກະກຽມກອງປະຊຸມອາເຊັມ 9.

ທ່ານຍັງກ່າວຕື່ມອີກວ່າມາຮອດປະຈຸບັນນີ້ການຕົບແຕ່ງພາຍໃນ ແລະ ຕິດຕັ້ງອຸປະ ກອນຮັບໃຊ້ປະເພດຕ່າງໆເຊັ່ນ: ລະບົບປ້ອງກັນຄວາມປອດໄພ. ລະບົບສື່ສານ ແລະ ລະບົບໄອທີແມ່ນສຳເລັດແລ້ວ ແລະ ມີຄວາມພ້ອມທຸກຢ່າງຫ້ອງປະຊຸມດັ່ງ ກ່າວປະກອບມີຫ້ອງປະຊຸມໃຫຍ່ສາມາດບັນຈຸຜູ້ເຂົ້າຮ່ວມໄດ້ 1.500 ຄົນ, ມີ 17 ຫ້ອງປະຊຸມພົບປະ, ໄດ້ເລີ້ມກໍ່ສ້າງມາແຕ່ຕົ້ນເດືອນທັນວາ 2011 ໃຊ້ເວລາກໍ່ສ້າງປະ ມານ 9-10 ເດືອນ, ມູນຄ່າການກໍ່ສ້າງທັງໝົດ 450 ລ້ານຢວນສະກຸນເງິນຈີນຫລື ປະມານ 80 ລ້ານໂດລາສະຫະລັດຊຶ່ງທຶນຊ່ວຍເຫລືອລ້າຈາກລັດຖະບານຈີນ./.

 

 

 

Add comment


Security code
Refresh