iPad Mini ປ່ຽນການອອກແບບຕົວເຄື່ອງໃຫມ່?

   ໃນຂະ­ນະທີ່ຂ່າວລືກ່ຽວກັບການເປີດຕົວໄອແພັດ ມິນິ (iPad mini) ຈະເຮັດໃຫ້ເກີດກະ­ແສຄວາມສົນ­ໃຈຂອງຜູ້ບໍລິໂພກຢ່າງກວ້າງ­ຂວາງ ແຕ່ມັນກັບກາຍ­ເປັນເຂັມແທງເຂົ້າຫົວໃຈບໍ­ລິ­ສັດເນື່ອງຈາກຫລ້າສຸດມີລາຍງາຍວ່າຫຸ້ນຂອງແອບເປິລ ຕົກ­ລົງມາເຖິງ 10% ອັນເປັນຜົນມາຈາກຂ່າວດັ່ງ­ກ່າວຢ່າງ­ໃດກໍ່ຕາມຂ່າວລືກ່ຽວກັບ iPad Mini ກໍ່ຍັງມີໃຫ້ຕິດ­ຕາມກັນຕໍ່ໄປ ໂດຍສະ­ເພາະຂ່າວທີ່ວ່າແອບເປີລກຽມຈະສົ່ງບັດເຊີນສື່ໃຫ້ເຂົ້າຮ່ວມງານເປີດຕົວໄອແພັດມິນິ ໃນວັນທີ 17 ຕຸ­ລານີ້.

   ກໍ່ຕ້ອງຕິດ­ຕາມກັນຕໍ່ໄປວ່າຈະມີການສົ່ງບັດເຊີນດັ່ງ­ກ່າວແທ້ ຫລື ບໍ່? ແຕ່ລາຍງານຫລ້າສຸດກ່ຽວກັບ iPad mini ມີການເຜີຍ­ແຜ່ອອກມາຈາກບໍ­ລິ­ສັດຜູ້ຜະ­ລິດ “ເຄສ” ໃນຍີ່­ປຸ່ນທີ່ອ້າງວ່າແອບເປິລມີການປ່ຽນ­ແປງການອອກແບບຕົວເຄື່ອງຂອງໄອແພັດມິນິໃນນາ­ທີສຸດທ້າຍເຖິງວ່າໃນຂະ­ນະນີ້ ກໍ່ຍັງບໍ່ມີໃຜກ້າຫມັ້ນໃຈວ່າມັນເປັນຜະລິດຕະພັນທີ່ມີແທ້ ຫລື ບໍ່? ໂດຍບລ໋ອກໃນຍີ່­ປຸ່ນເຊື່ອວ່າ Macotakara ລາຍງານວ່າ ຍັງບໍ່ສາມາດສະ­ຫລຸບການອອກແບບສຸດທ້າຍຂອງ iPad mini  ກ່ອນທີ່ຈະເດີນເຄື່ອງຜະ­ລິດໄດ້ ຂໍ້ມູນ ຈາກແຫລ່ງຂ່າວທີ່ເປັນບໍ­ລິ­ສັດຜະ­ລິດເຄສອ້າງ ພວກເຂົາໄດ້ລະງັບການຜະ­ລິດເຄສທີ່ໃຊ້ກັບໄອແພັດມິນິ ເນື່ອງຈາກມັນມີການປ່ຽນແບບຂອງຕົວເຄື່ອງ (ຂອບຂອງເຄສ) ໂດຍສະ­ເພາະໂຮງ­ງານທີ່ຜະ­ລິດຕາມແບບ ພາບທີ່ຫລຸດອອກມາກ່ອນຫນ້ານີ້ຈະບໍ່ສາ­ມາດໃຊ້ໄດ້ກັບໄອແພັດ ມິນິ ງານນີ້ຮຽກໄດ້ວ່າໃຜທີ່ເຮັດເຄສໄອແພັດມິນິໄວ້ລ່ວງຫນ້າອາດຈະຕ້ອງປະ­ສົບກັບບັນຫາໃຫຍ່ຫລວງໄດ້ເພາະກາຍເປັນຂອງທີ່ໃຊ້ການບໍ່ໄດ້.

   ທັງນີ້ ທາງບໍ­ລິ­ສັດຜູ້ຜະ­ລິດອຸປະ­ກອນເສີມບໍ່ໄດ້ລະ­ບຸຊັດເຈນວ່າພວກເຂົາກຳ­ລັງສ່ຽງກັບເຄສທີ່ອອກແບບບໍ່ຖືກ­ຕ້ອງ ຫລື ການຜະ­ລິດ iPad mini ມີບັນ­ຫາກັນແນ່­ນອນເພາະມັນອາດຈະເຮັດ ໃຫ້ສິນ­ຄ້າວາງຕະ­ຫລາດໄດ້ບໍ່ທັນໃນໄລ­ຍະວັນພັກ­ຜ່ອນທ້າຍປີຂອງຊາວອາ­ເມ­ລິ­ກາຈົນເຮັດໃຫ້ເກີດສະຕ໋ອກຂອງເຄສທີ່ບໍ່ສາ­ມາດມາສ້າງເປັນເງິນຂ້າມປີໄປອີກ ເຊິ່ງຈະວ່າໄປແລ້ວບໍ່ພຽງແຕ່ຜູ້ຜະ­ລິດເຄສທີ່ຕ້ອງສ່ຽງກັບໄອແພັດມິນິເທົ່ານັ້ນແມ່ນແຕ່ແອບເປິລ (Apple)ເອງກໍ່ຕ້ອງລຸ້ນຄືກັນວ່າຜູ້ບໍລິໂພກຈະໃຫ້ຄວາມສົນ­ໃຈໄອແພັດຮຸ່ນນ້ອຍກວ່ານີ້ພຽງໃດ? ແລ້ວມັນຈະບໍ່ທຳ­ລາຍຕະ­ຫລາດໄອແພັດ? ແຕ່ຕອນນີ້ກໍ່ຕ້ອງຖ້າ ເບິ່ງກັນກ່ອນວ່າຂ່າວລືທີ່ອ້າງຈະມີການສົ່ງບັດເຊີນເປີດຕົວໄອແພັດມິນິໃນອີກບໍ່ດົນນີ້ແທ້ ຫລື ບໍ່? ເພາະ­ວ່າຖ້າເປັນ­ຄວາມຈິງເລື່ອງຂ່າວລືທີ່ນຳສະ­ເຫນີກ່ອນຫນ້ານີ້ ອາດຈະມີການປັດຝຸ່ນກັນອີກຮອບ.

ຂໍຂອບໃຈຂ່າວຈາກ http://www.ecom.org.la