ທ່ານ ນາຍົກລັດຖະມົນຕີ ຕ້ອນຮັບ​ຄະນະ​ຜູ້​ແທນ ສສ ຫວຽດນາມ

(ຂປລ): ທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງ ທ່ານ ຫງວຽນ ມິງ ກວາງ ກຳມະການສູນກາງພັກ, ລັດຖະ ມົນຕີວ່າການກະຊວງຊັບພະຍາກອນ-ສິ່ງແວດລ້ອມ ແຫ່ງ ສສ ຫວຽດນາມ ພ້ອມດ້ວຍຄະນະ ໃນວັນທີ 23 ຕຸລາ 2012 ທີ່ສຳນັກງານຫ້ອງວ່າການລັດຖະບານ. ໃນໂອກາດທີ່ ທ່ານເດີນທາງມາຢ້ຽມຢາມ ແລະ ເຮັດວຽກກັບກະຊວງຊັບພະຍາ ກອນທຳມະຊາດ-ສິ່ງແວດລ້ອມ ແຫ່ງ ສປປ ລາວ ແຕ່ວັນທີ 22-23 ຕຸລາ 2012.

ໃນໂອກາດນີ້ ທ່ານ ນາຍົກລັດຖະມົນຕີ ໄດ້ສະແດງຄວາມຍິນດີຕ້ອນຮັບ ແລະ ພ້ອມທັງ ຕີລາຄາສູງຕໍ່ ຄະນະທີ່ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຊຶ່ງເປັນ ການປະກອບສ່ວນສຳຄັນ ເຂົ້າໃນການເສີມຂະຫຍາຍສາຍພົວພັນມິດຕະພາບ ຄວາມສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນ ສອງຊາດ ລາວ-ຫວຽດນາມ ໃນການຮ່ວມມືເປັນຕົ້ນ ການເອົາໃຈໃສຊ່ວຍເຫຼືອເຊິ່ງກັນ ແລະ ກັນໃນການພັດທະນາເສດຖະກິດ-ສັງຄົມ, ການຄ້າ, ການລົງທຶນ ແລະ ການພັດ ທະນາແບບຍືນຍົງ ໃຫ້ນັບມື້ແໜ້ນແຟ້ນຍິ່ງໆຂື້ນ

ໃນໂອກາດນີ້ ທ່ານລັດຖະມົນຕີວ່າການກະຊວງຊັບພະຍາກອນ-ສິ່ງແວດລ້ອມ ແຫ່ງ ສສ ຫວຽດນາມ ພ້ອມດ້ວຍຄະນະ ໄດ້ສະແດງຄວາມຂອບໃຈມາຍັງລັດຖະບານລາວ ທີ່ໄດ້ ອຳນວຍຄວາມສະດວກ ແລະ ໃຫ້ການຕ້ອນຮັບອັນອົບອຸ່ນໃນການຮ່ວມມືຂອງສອງຊາດກໍຄືສອງກະຊວງຊັບພະກອນທຳມະຊາດ-ສິ່ງແວດລ້ອມ ຫວຽດນາມ ແລະ ລາວໃຫ້ຍືນ ຍົງຄົງຕົວຕະຫລອດໄປ./.

 

ຂໍຂອບໃຈຂ່າວຈາກ http://www.kpl.net.la