ທ່ານເອກອັກຄະລັດຖະທູດລາວປະຈຳບາງກອກ ຕີລາຄາສູງ ຕໍ່ການຮ່ວມມືວຽກງານປ້ອງກັນຊາດລາວ-ໄທ

(ຂປລ) ໃນຕອນເຊົ້າວັນທີ 15 ພະຈິກ 2012 ທີ່ສະຖານທູດລາວປະຈຳບາງກອກ ຣາຊະອານາຈັກໄທ ທ່ານ ຫລີ ບຸນຄ້ຳ ເອກອັກຄະລັດຖະທູດລາວ ປະຈຳ ຣາຊະອານາຈັກໄທ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານພົນຕີ ສຸດ ຈະລຸນຊາດ, ຫົວໜ້າໜ່ວຍງານປະສານງານດ້ານລາວ, ສູນປະສານງານກັບປະເທດເພື່ອນບ້ານ, ກອງທັບໄທເພື່ອແນະນຳຕົວ ໃນໂອກາດຂື້ນຮັບຕຳແໜ່ງໃໝ່.

ໃນໂອກາດດັ່ງກ່າວນີ້ທ່ານທູດກໍໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ການປະກອບສ່ວນສຳຄັນຂອງສອງກອງທັບກໍຄືສອງກະຊວງປ້ອງກັນປະເທດຂອງ ສປປ ລາວ ແລະ ກະຊວງກະລາໂຫມ ຂອງຣາຊະອານຈັກໄທ ໃນການສຶບຕໍ່ເສີມຂະຫຍາຍ ແລະ ຮັດແໜ້ນຄວາມສຳພັນອັນດີງາມ ແລະ ການຮ່ວມມືນັບມື້ເກີດໝາກເກີດຜົນລະຫວ່າງສອງປະ ເທດ, ເຮັດໃຫ້ເຂດບໍລິເວນຊາຍແດນຮ່ວມມີຄວາມສະຫງົບໂດຍພື້ນຖານ ແລະ ປະຊາຊົນ ກໍໄດ້ໄປມາຫາສູ່ແລກປ່ຽນສິນຄ້າເປັນປົກກະຕິ ແລະ ຊົມໃຊ້ຜົນປະໂຫຽດຮ່ວມກັນ ຢ່າງປົກກະຕິ.

ທ່ານສຸດ ຈະລຸນຊາດ ກໍໄດ້ສະແດງຄວາມຂອບໃຈຕໍ່ທ່ານທູດທີ່ໄດ້ຕ້ອນຮັບ ແລະ ແຈ້ງຈຸດປະສົງໃຫ້ຊາບກ່ຽວກັບການເຂົ້າຢ້ຽມຂ່ຳນັບຄັ້ງນີ້ແມ່ນເພື່ອເປັນການແນະນຳຕົວ ແລະ ສ້ງຄວາມໃກ້ຊິດລື້ງເຄີຍກັນ ພາຍຫລັງທີ່ຕົນໄດ້ຮັບການແຕ່ງຕັ້ງມາຮັບໜ້າທີ່ດັ່ງກ່າວ. ພ້ອມກັນນີ້; ກໍຂໍຢືນຢັນ ຈະເຮັດໜ້າທີ່ທີ່ຖືກມອບໝາຍນີ້ເປັນຢ່າງດີຮ່ວມກັບທຸກຝ່າຍກ່ຽວ ຂ້ອງຂອງລາວເພື່ອຄວາມສຳພັນອັນດີ ແລະ ຜົນປະໂຫຽດຮ່ວມຂອງສອງປະເທດ. ພ້ອມນີ້ກໍຂໍຢືນຢັນຈະເຮັດໜ້າທີ່ທີ່ຖືກມອບໝາຍນີ້ເປັນຢ່າງດີຮ່ວມກັບທຸກຝ່າຍກ່ຽວຂ້ອງຂອງ ລາວເພື່ອຄວາມສຳພັນອັນດີ ແລະ ຜົນປະໂຫຍດຮ່ວມຂອງສອງປະເທດ.

 

Add comment


Security code
Refresh