ທີມບານເຕະນັກສຶກສາຊາຍມະຫາວິທະຍາໄລລາວ ໄດ້ຫລຽນເງິນໃນມະຫາກຳ ມ.ອາຊຽນ ຄັ້ງທີ 16

ິ ທີມບານເຕະນັກສຶກສາມະຫາວິທະຍາໄລຊາຍ ຮອບຊີງຊະນະເລີດລະຫວ່າງທີມລາວພົບກັບທີມໄທຜົນປະກົດວ່າ ທີມ ມະຫາວິທະຍາໄລລາວ ເສຍໃຫ້ ທີມມະຫາວິທະຍາໄລໄທ 0-2 ປະຕູ , ໄດ້ຫລຽນເງິນ, ຫລຽນຄຳ ເປັນຂອງ ທີມມະຫາວິທະຍາໄລໄທ,ສ່ວນອັນດັບທີ 3 ຫລຽນທອງ ຕົກເປັນຂອງທີມມາເລເຊຍທີ່ເອົາຊະນະທີມມຽນມາ 3-2 ປະຕູ , ສຳ ລັບບານເຕະຍິງຊະນະເລີດຕົກເປັນຂອງທີມຫວຽດນາມ , ທີ 2 ທີມໄທແລະທີ 3 ທີມລາວ .

ການແຂ່ງຂັນເຕະບານຊາຍຮອບຊີງຊະນະເລີດມີຂຶ້ນໃນວັນທີ 19 ທັນວາ2012 ທີ່ສະໜາມກິລາແຫ່ງຊາດຫລັກ 16 ເຊິ່ງເປັນການພົບກັນລະຫວ່າງທີມ ນັກສຶກສາ ລາວກັບ ທີມ ນັກ ສຶກສາໄທ , ພໍເລີມເກມທີມລາວເປັນຝ່າຍບຸກກ່ອນ , ສ່ວນທີມໄທຫລິ້ນບານຕັ້ງຮັບແລະອາໃສການໂຕ້ກັບໄວຈົນມາເຖິງນາທີທີ 14 ທີມລາວເກືອບໄດ ້ປະຕູຈາກ ຈັງຫວະ ເຕະບານ ແຈແຕ່ບານຂ້າມຄານໄປຢ່າງໜ້າເສຍດາຍແລະທີມໄທກໍອາໃສຫລິ້ນບານໂຕ້ກັບໄວມາຮອດໃນນາທີທີ 32 ກໍໄດ້ປະຕູຈາກການຍິງຂອງທ້າວເອນັນຂຶ້ນນຳກ່ອນ 1-0 ປະຕູ , ສ່ວນ ເວ ລາທີ່ເຫລືອທີມລາວສືບຕໍ່ເປີດເກມບຸກແຕ່ການຍິງປະຕູບໍ່ທັນແນ່ນອນຈຶ່ງບໍ່ສາມາດໄດ້ປະຕູຕີສະເໝີ , ການແຂ່ງຂັນຄົບ 45 ນາທີທີມໄທຍັງນຳຢູ່ 1-0 ປະຕູ,

ເຂົ້າສູ່ການແຂ່ງຂັນເຄິ່ງເວລາທີ 2 ຄູຝຶກທີມລາວໄດ້ປ່ຽນເຕັກນິກການຫລິ້ນແບບໃໝ່ໂດຍຫລິ້ນບານຍາວແລະເມື່ອໄດ້ບານກໍ່ສົ່ງໄກໃຫ້ກອງໜ້າແລະເກືອບຍິງປະຕູໄດ້ຫລາຍຄັ້ງ ແຕ່ກໍ ບໍ່ສາມາດຍິງປະຕູຄູ່ຕໍ່ສູ້ໄດ້. ຕໍ່ເວລາ 10 ນາທີ ທີມ ມະຫາວິທະຍາໄລມາໄດ້ປະຕູອີກໃນນາທີສຸດທ້າຍ ແລະ ຂຶ້ນນຳເປັນ 2-0 ປະຕູ ຈົບການແຂ່ງຂັນ ທີມ ມ.ໄທ ຊະນະ ມ.ລາວ 2-0 ປະຕູ ໄດ້ຫລຽນຄໍາໄປຄອງ, ສ່ວນທີມ ມ.ລາວ ໄດ້ຫລຽນເງິນ ແລະ ຫລຽນທອງໄດ້ແກ່ມາເລເຊຍ , ເປັນກຽດເຂົ້າຮ່ວມຊົມແລະມອບລາງວັນໂດຍທ່ານດຣ . ພັນຄຳວິພາວັນ , ລັດຖະມົນຕີວ່າການກະຊວງສຶກສາທິການແລະກິລາ , ປະທານຈັດງານມະຫະກຳກິລາມະຫາວິທະຍາໄລອາຊຽນຄັ້ງທີ 16.

ການແຂ່ງຂັນຄັ້ງນີ້ໄດ້ຮັບຄວາມສົນໃຈຈາກກອງເຊຍແລະ ມວນຊົນເຂົ້າຊົມຈົນລົ້ນສະໜາມ , ພິເສດໃນໄລຍະພັກເຄິ່ງເວລາກໍມີການສະແດງເຕັ້ນເຊຍ ຂອງນັກສຶກສາ ມະຫາ ໄລຕ່າງໆເຊິ່ງສ້າງໄດ້ຄວາມເບີກບານມ່ວນຊື່ນແກ່ຜູ້ຊົມເປົນຢ່າງດີ.

ແກ້ໄຂລ່າສຸດ (ມື້ພະຫັດທີ່ 20 ທັນວາ 2012 ເວລາ 04: 21)

 

Add comment


Security code
Refresh