Chromebook ສະຫນັບສະຫນູນຫນ້າຈໍສຳຜັດທ້າຍປີນີ້

  Chromebook ຄອມພິວເຕີໂນດບຸກຈາກ Google ອີກທາງ ເລືອກໃຫມ່ຂອງຜູ້ໃຊ້ ກຽມອອກຮຸ່ນສຳ­ຜັດແດ່ແລ້ວ ພ້ອມມີກຳ­ນົດ ເປີດຕົວໄວທີ່ສຸດໃນທ້າຍປີ 2013 ນີ້ອີກ

   ເຖິງຈະຍັງບໍ່ມີລາຍລະ­ອຽດໃດເປີດ­ເຜີຍອອກມາຫລາຍ ແຕ່ Chromebook ຮຸ່ນໃຫມ່ອາດເປີດຕົວຮຸ່ນຫລ້າສຸດໃນທ້າຍປີ 2013 ນີ້ ຈະເປັນແລັບທ໋ອບຮຸ່ນທຳອິດທີ່ມາກັບຫນ້າຈໍແບບ ສຳ­ຜັດ (Touch Screen) ຂັບເຄື່ອນດ້ວຍລະ­ບົບການໂຄຣມ (Chrome OS) ອີກທັງມີຄວາມເປັນໄປໄດ້ທີ່ Chromebook ລະ­ບົບສຳ­ຜັດຈະລວມກຳ­ລັງກັບແອນດຣອຍ (Android) ເພື່ອເພີ່ມປະ­ສົບການໃຫມ່ໃຫ້ກັບຜູ້ໃຊ້ເທິງອິນເຕີເຟດ, ນອກ­ຈາກນີ້ ມີນັກວິ­ເຄາະປະເມີນການເປີດຕົວທີ່ອາດເກີດຂຶ້ນໃນທ້າຍປີນີ້ຂອງ Chromebook ວ່າຈະເປັນການຕໍ່­ກອນກັບໃນຕະ­ຫລາດແທັບເລັດຕົ້ນທຶນຕ່ຳດ້ວຍ.

   ກ່ອນຫນ້ານີ້ Google ໄດ້ຮ່ວມມືກັບ Acer ແລະ Samsung ໃຫ້ສອງບໍ­ລິ­ສັດນີ້ເປັນຜູ້ຜະ­ລິດຮາດແວຣ໌ໃຫ້ ແຕ່ໃນ Chromebook ລະ­ບົບສຳ­ຜັດຍັງບໍ່ມີຄວາມຊັດເຈນວ່າຈະຍົກໃຫ້ບໍ­ລິ­ສັດໃດເປັນຜູ້ຜະ­ລິດຮາດແວຣ໌ໃຫ້ ຫລື ກູເກິລ (Google) ຈະເປັນຜູ້ຜະ­ລິດ ທັງຫມົດກໍ່ອາດເປັນໄປໄດ້ ຢ່າງ­ໃດກໍ່ຕາມ ແທັບເລັດຮຸ່ນໃຫມ່ດັ່ງ­ກ່າວສອດ­ຄ່ອງກັບ Chromebook Pixel ທີ່ເຄີຍມີຂ່າວລືມາແລ້ວ ໃນໄລ­ຍະຫນຶ່ງ ໂດຍໃນລາຍງານນັ້ນລະ­ບຸວ່າ ໃນ Chromebook ຕົວໃຫມ່ຈະມີຄວາມລະ­ອຽດຂອງຫນ້າຈໍສູງເຖິງ 2560 x 1700 ເລີຍ.

 

ຂໍຂອບໃຈຂ່າວຈາກ http://www.ecom.org.la

 

Add comment


Security code
Refresh