ທ່ານປະທານປະເທດ ໃຫ້ສະຫວັນນະເຂດໃສ່ໃຈພື້ນຖານໂຄງລ່າງຊົນນະບົດ

ທ່ານປະທານປະເທດ ໃຫ້ສະຫວັນນະເຂດໃສ່ໃຈພື້ນຖານໂຄງລ່າງຊົນນະບົດ

        ທ່ານ ຈູມມາ­ລີ ໄຊຍະສອນ ປະ­ທານປະ­ເທດແຫ່ງ ສປປ ລາວ ໄດ້ກ່າວໃນຂະ­ນະທີ່ເດີນ­ທາງຢ້ຽມ­ຢາມແຂວງສະ­ຫວັນນະເຂດເມື່ອວັນທີ 23 ກຸມ­ພາ 2013 ນີ້ ໂດຍເນັ້ນຫນັກໃຫ້ສະ­ຫວັນນະເຂດເອົາ­ໃຈ­ໃສ່ການກໍ່ສ້າງພື້ນ­ຖານໂຄງລ່າງຢູ່ຊົນ­ນະ­ບົດໃຫ້ໃກ້ຄຽງກັບຕົວເມືອງ,  ສຶກສາໃຫ້ປະ­ຊາ­ຊົນຮູ້ທຳການຜະ­ລິດເປັນສິນຄ້າ ເພື່ອພັດ­ທະ­ນາຄຸນນະພາບຊີ­ວິດໄປສູ່ບາດ­ກ້າວໃຫມ່.

        ເຊິ່ງເຂົ້າຮັບຟັງການໂອ້ລົມຂອງທ່ານໃນຄັ້ງນີ້ມີ ທ່ານ ດຣ. ສຸ­ພັນ ແກ້ວມີໄຊ ເຈົ້າ­ແຂວງໆສະ­ຫວັນນະເຂດບັນ­ດາທ່ານໃນຄະ­ນະປະ­ຈຳພັກແຂວງກຳ­ມະ­ການພັກແຂວງ,ຫົວ­ຫນ້າພະແນກການອ້ອມຂ້າງແຂວງບັນ­ດາທ່ານເຈົ້າ­ເມືອງຕ່າງໆພາຍໃນແຂວງສະ­ຫວັນນະເຂດເຂົ້າຮ່ວມຢ່າງພ້ອມພຽງ.

       ໃນໂອ­ກາດການໄປເຄື່ອນໄຫວເຮັດວຽກຂອງທ່ານປະ­ທານປະ­ເທດ ແລະ ຄະ­ນະໃນຄັ້ງນີ້ ທ່ານ ດຣ. ສຸ­ພັນ ແກ້ວມີໄຊ ເຈົ້າ­ແຂວງໆສະ­ຫວັນນະເຂດ ໄດ້ລາຍງານສະ­ພາບວຽກງານຮອບ­ດ້ານໃນການປົກປັກຮັກ­ສາ ແລະ ພັດ­ທະ­ນາແຂວງສະ­ຫວັນນະເຂດໂດຍສະ­ເພາະກໍ່ແມ່ນໃນໄລ­ຍະປະ­ຕິບັດມະ­ຕິກອງປະ­ຊຸມໃຫຍ່ອົງ­ຄະນະພັກແຂວງສະ­ຫວັນນະເຂດຄັ້ງ VII ແລະ ປະ­ຕິ­ບັດມະ­ຕິກອງປະ­ຊຸມໃຫຍ່ຄັ້ງທີ IX ຂອງສູນກາງພັກວາງອອກເຮັດໃຫ້ ເສດ­ຖະ­ກິດ ແຂວງສະ­ຫວັນນະເຂດຂະ­ຫຍາຍ­ຕົວເພີ່ມຂຶ້ນເລື້ອຍໆປະ­ຊາ­ຊົນນັບມື້ຮັ່ງ­ມີ ແລະ ສາ­ມາດຫລຸດພົ້ນອອກຈາກຄວາມ­ທຸກຍາກເທື່ອລະກ້າວ ສະເລ່ຍລາຍຮັບໃສ່ຫົວຄົນ 10 ລ້ານກວ່າກີບຕໍ່ຄົນຕໍ່ປີໃນສົກປີ 2011–2012 ເສດ­ຖະ­ກິດຂະຫຍາຍຕົວ 11,6% ເພີ່ມຂຶ້ນ 12,03% ຈາກປີ 2010.

        ດ້ານວຽກງານກະ­ສິ­ກຳກໍ່ໄດ້ນຳໃຊ້ເຕັກ­ນິກໃຫມ່ເຂົ້າໃນການຜະ­ລິດເປັນ­ຕົ້ນໄດ້ທົດລອງຜະລິດເຂົ້າ­ນາປີແບບຢອດເມັດສຳລັບເນື້ອ­ທີ່ນາ­ໂຄກນາໂນນ ເຫັນວ່າບັນ­ລຸຜົນຢ່າງຫນ້າເພິ່ງພໍ­ໃຈຄືສະ­ມັດຕະພາບການຜະ­ລິດໃນ ເມື່ອກ່ອນ 1,3 ເຮັກ­ຕາ ແຕ່ປູກເຂົ້າແບບຢອດເມັດແບບເຕັກນິກໃຫມ່ໄດ້ 4,3 ໂຕນຕໍ່ເຮັກ­ຕາ. ສຳ­ລັບເຂດພື້ນທີ່ອຸ­ດົມ­ສົມ­ບູນກໍ່ມີການທົດລອງເຮັດນາໄຮ່ໃຫຍ່ແບບໃຊ້ກົນຈັກທັງຫມົດຢູ່ເຂດເມືອງຈຳພອນ ແລະ ສອງຄອນແມ່ນໄດ້ຮັບຜົນດີເຊັ່ນດຽວກັນມີເນື້ອ­ທີ່ທົດລອງ 687 ເຮັກ­ຕາສະ­ມັດຕະພາບບັນ­ລຸ 5,6 ໂຕນຕໍ່ເຮັກ­ຕາ.

        ສຳ­ລັບການຜະ­ລິດເຂົ້າ­ນາ ແຊງສົກປີ 2012Œ13 ບໍ່ໄດ້ຕາມຄາດ­ຫມາຍເນື່ອງຈາກວ່າ ລະບົບຄອງນ້ຳຊົນ­ລະ­ປະ­ທານສ້ອມແປງຍັງບໍ່ສຳ­ເລັດ ສະ­ນັ້ນ ຈິ່ງປັກດຳເຂົ້າ­ນາ­ແຊງໄດ້ພຽງແຕ່ 90% ເຊິ່ງໃນແຜນ­ການມີເນື້ອທີ່ທັງຫມົດ 33.000 ເຮັກ­ຕາ.

        ອັນທີ່ພົ້ນເດັ່ນອີກຢ່າງຫນຶ່ງຢູ່ແຂວງສະ­ຫວັນນະເຂດໃນປະຈຸບັນ ແມ່ນໄດ້ຈັດຕັ້ງກຸ່ມຜະລິດເຂົ້າເປັນສິນ­ຄ້າເພື່ອການສົ່ງອອກ ລວມທົ່ວແຂວງ 160 ກຸ່ມ ມີຈຳ­ນວນ 5.625 ຄອບ­ຄົວ ມີເນື້ອ­ທີ່ນາສຳ­ລັບການຜະ­ລິດ 1.200 ເຮັກ­ຕາ ມີກຸ່ມປູກພືດອຸດ ສາຫະກຳເປັນສິນ­ຄ້າ ເຊິ່ງໄດ້ຢືມເງິນນຳທະ­ນາ­ຄານນະໂຍບາຍ 75 ຕື້ກວ່າກີບ ໃນນີ້ເນື້ອ­ທີ່ສຳ­ລັບປູກມັນ­ຕົ້ນ 98 ເຮັກ­ຕາ, ປູກກ້ວຍ 2.450 ເຮັກ­ຕາ, ປູກຢາງບົງ 1.435 ເຮັກ­ຕາ, ອ້ອຍ 2.700 ເຮັກ­ຕາ ນອກ­ຈາກນີ້ ຍັງປູກສາ­ລີ, ປູກຫມາກ­ໂມຫວານອື່ນໆ ເຊິ່ງສະ­ເລ່ຍລາຍຮັບໄດ້ 77 ລ້ານກີບຕໍ່ຄອບ­ຄົວຕໍ່ປີ

        ໃນໂອ­ກາດນີ້ ປະ­ທານປະ ເທດ ຈູມມະລີ ໄຊຍະສອນ ກໍ່ໄດ້ກ່າວໂອ້ລົມພະ­ນັກ­ງານການນຳ ຫລັກແຫລ່ງຂອງແຂວງສະຫວັນນະເຂດ ເຊິ່ງຫລາຍຕອນສຳ­ຄັນທ່ານໄດ້ເວົ້າເຖິງການສຸມໃສ່ລົງພັດ­ທະ­ນາກໍ່­ສ້າງຮາກຖານການ­ເມືອງຢູ່ຊົນ­ນະ­ບົດເປັນ­ຕົ້ນຕໍໃຫ້ເອົາ­ໃຈ­ໃສ່ເຂດຫ່າງໄກສອກ­ຫລີກ ແນ­ໃສ່ລົບລ້າງຄວາມ­ທຸກຍາກໃຫ້ປະ­ຊາ­ຊົນ, ສ້າງພື້ນ­ຖານໂຄງລ່າງຢູ່ຊົນນະບົດໃຫ້ຫຍັບຫມໍ່ເຂົ້າກັບຕົວເມືອງ, ສ້າງອາ­ຊີບໃຫ້ເຂົາ­ເຈົ້າມີລາຍໄດ້, ໃຫ້ປະ­ຊາ­ຊົນຮູ້­ຈັກຊື້ຂາຍແລກ­ປ່ຽນສິນ­ຄ້າ. ການພັດ­ທະ­ນາບໍ່ຄວນລໍ­ຖ້າແຕ່ງົບປະມານຂອງລັດຢ່າງດຽວຕ້ອງໄດ້ເຕົ້າ­ໂຮມເອົາທຸກກຳ­ລັງແຮງ, ທຶນ­ຮອນຈາກຫລາຍພາກ­ສ່ວນເຂົ້າຮ່ວມໃນນັ້ນເນື້ອໃນຕົ້ນ­ຕໍຕ້ອງອີງ­ໃສ່ 4 ບຸກທະ­ລຸຂອງມະຕິກອງປະ­ຊຸມໃຫຍ່ຄັ້ງທີ IX ຂອງພັກວາງອອກໃຫ້ປາ­ກົດເປັນຈິງ.ສຳ­ລັບວຽກງານ 3 ສ້າງທ່ານໄດ້ຢ້ຳຄືນວ່າຕ້ອງໄດ້ກວດ­ກາຄືນໃນຂອດການ­ຈັດ­ຕັ້ງປະ­ຕິ­ບັດມາແລ້ວໃນດ້ານລະ­ບຽບການໃຫ້ຈະ­ແຈ້ງເອົາພະ­ນັກ­ງານທີ່ມີຄວາມຮູ້ຄວາມສາ­ມາດລົງໄປກໍ່ສ້າງເພື່ອໃຫ້ຮາກຖານການເມືອງມີຄວາມຫນັກແຫນ້ນເຂັ້ມແຂງ.

ຂໍຂອບໃຈຂ່າວຈາກ http://www.ecom.org.la

 

Comments  

 
0 #1 2014-03-22 23:22
With havin so much content do you ever run into any problems of plagorism or copyright violation?
My site has a lot of unique content I've either created myself or outsourced but it
looks like a lot of it is popping it up all over the internet without my authorization.

Do you know any methods to help stop content from being ripped off?
I'd certainly appreciate it.
Quote
 

Add comment


Security code
Refresh