ເຊກອງສ້າງລາຍຮັບໄດ້ຈາກການທ່ອງທ່ຽວກວ່າ 4 ລ້ານໂດລາສະຫະລັດ


image


   ແຂວງເຊກອງເປັນແຂວງນ້ອຍທີ່ສຸດຂອງລາວ, ພື້ນທີ່ສ່ວນໃຫຍ່ຂອງແຂວງພູດອຍກວມເອົາກວ່າ 60% ມີ 2 ເມືອງທີ່ນອນໃນ ບັນ­ຊີ 47 ເມືອງທຸກຍາກຂອງທົ່ວ ປະ­ເທດ, ແຕ່ໄດ້ຮັບການພັດ­ທະ­ນາ ທາງດ້ານເສດ­ຖະ­ກິດ-ສັງ­ຄົມຢ່າງ ຕໍ່ເນື່ອງ ໂດຍສະ­ເພາະວຽກງານການ­ທ່ອງ­ທ່ຽວ, ນັກທ່ອງທ່ຽວ ເຂົ້າມາແຂວງເພີ່ມຂຶ້ນໃນແຕ່ລະປີ ສະ­ເພາະໃນປີ 2012 ຜ່ານມາ ມີທັງຫມົດ 22.366 ຄົນ, ທຽບ­ໃສ່ ປີ 2011 ເພີ່ມຂຶ້ນ 4% ສ້າງລາຍ ຮັບໄດ້ 4,4 ລ້ານໂດລາສະ­ຫະ­ລັດ.

  ທ່ານ ສຸ­ບັນ ເດສົມພອງ ຮອງຫົວ­ຫນ້າພະແນກຖະ­ແຫລງຂ່າວ, ວັດ­ທະ­ນະ­ທຳ ແລະ ທ່ອງທ່ຽວ ແຂວງເຊກອງເປີດ­ເຜີຍເມື່ອວັນທີ 1 ມີ­ນາ 2013 ຜ່ານມາວ່າ: ໃນປີ 2012 ຜ່ານມາ, ພະແນກຖະ­ແຫລງຂ່າວ, ວັດ­ທະ­ນະ­ທຳ ແລະ ທ່ອງທ່ຽວແຂວງເຊກອງໄດ້ກໍ່­ສ້າງ-ປັບ­ປຸງພື້ນ­ຖານໂຄງລ່າງ ເສັ້ນ­ທາງຫາແຫລ່ງທ່ອງທ່ຽວຫລາຍແຫ່ງ, ເຮັດໃຫ້ມີຄວາມສະ  ບາຍໃນການເຂົ້າຊົມແຫລ່ງທ່ອງ ທ່ຽວທາງທຳມະຊາດສາ­ມາດດຶງ ດູດນັກທ່ອງທ່ຽວເພີ່ມຂຶ້ນໃນແຕ່ ລະປີ, ຕາມຕົວເລກການເກັບກຳ ສະ­ຖິ­ຕິນັກທ່ອງທ່ຽວຂອງຂະ ແຫນງທ່ອງທ່ຽວປີ 2012 ມີຈຳ­ນວນນັກທ່ອງທ່ຽວເຂົ້າມາທ່ຽວ ແຂວງຕົນທັງຫມົດ 22.366 ຄົນ ໃນນັ້ນ ເປັນນັກທ່ອງທ່ຽວຕ່າງປະ ເທດ 9.125 ຄົນ ແລະ ນັກທ່ອງທ່ຽວພາຍໃນ 12.237 ຄົນ.

  ປະ­ຈຸບັນທົ່ວແຂວງເຊກອງມີແຫລ່ງທ່ອງທ່ຽວທັງຫມົດ 33 ແຫ່ງໃນນີ້ ແຫລ່ງທ່ອງທ່ຽວທາງທຳມະຊາດ 18 ແຫ່ງ, ໄດ້ຮັບການພັດ­ທະ­ນາແລ້ວ 6 ແຫ່ງ, ແຫລ່ງທ່ອງທ່ຽວທາງປະ­ຫວັດ­ສາດ 9 ແຫ່ງ, ສຳ­ເລັດການສຳຫລວດ ແລ້ວ ແຕ່ຍັງບໍ່ທັນໄດ້ຮັບການພັດ­ທະ­ນາ ແລະ ແຫລ່ງທ່ອງທ່ຽວ ທາງວັດ­ທະ­ນະ­ທຳ 6 ແຫ່ງໄດ້ຮັບການພັດ­ທະ­ນາຮອງຮັບນັກທ່ອງທ່ຽວແລ້ວ 2 ແຫ່ງ, ແຫລ່ງທ່ອງ ທ່ຽວທີ່ວ່ານີ້ ສ່ວນຫລາຍແມ່ນນອນຢູ່ໃນເຂດເມືອງລະມາມ ແລະ ເມືອງທ່າແຕງ.

   ສຳ­ລັບປີ 2013 ນີ້ ຄາດວ່າ ຈະມີນັກທ່ອງທ່ຽວເຂົ້າມາທ່ຽວແຂວງເຊກອງທັງຫມົດປະ­ມານ 25.175 ຄົນ ໃນນັ້ນ ຈາກຕ່າງ­ປະ­ເທດປະ­ມານ 10.125 ຄົນ ແລະ  ນັກທ່ອງທ່ຽວພາຍໃນ 15.050 ຄົນ.

  ແນວ­ໃດກໍ່ດີ ເພື່ອໃຫ້ບັນ­ລຸຕາມ ຕົວເລກຄາດ­ຫມາຍຕ້ອງໄດ້ເລ່ງໃສ່ການປັບ­ປຸງດ້ານການບໍ­ລິ­ການຕ່າງໆເຊັ່ນ: ພະ­ນັກ­ງານທີ່ບໍ­ລິ­ການຢູ່ໂຮງ­ແຮມ, ເຮືອນພັກ, ຮ້ານອາ­ຫານພາຍໃນແຂວງ, ພ້ອມທັງວາງແຜນຍຸດທະສາດທັງໄລ­ຍະ ສັ້ນ ແລະ ໄລ­ຍະຍາວເຂົ້າໃສ່ການກໍ່­ສ້າງ-ປັບ­ປຸງພື້ນ­ຖານໂຄງລ່າງ ໂດຍສະ­ເພາະເສັ້ນ­ທາງເຂົ້າສູ່ແຫລ່ງທ່ອງທ່ຽວ, ສ້າງ­ສາລາຊົມທິວທັດທຳມະຊາດຢູ່ສະ­ຖານ­ທີ່ທ່ອງທ່ຽວ, ສ້າງສູນຂໍ້ມູນ-ຂ່າວ­ສານການ­ທ່ອງ­ທ່ຽວ, ເຮັດໃຫ້ຂໍ້ ມູນການ­ທ່ອງ­ທ່ຽວດ້ານຕ່າງໆໄດ້ ຮັບການປັບ­ປຸງດີຂຶ້ນກວ່າເກົ່າ.

  ທ່ານ ສຸ­ບັນ ເດສົມພອງ ກ່າວຕື່ມວ່າ: ແຂວງເຊກອງນອກ­ຈາກຈະເປັນແຂວງທີ່ມີສະ­ຖານ­ທີ່ທ່ອງທ່ຽວທີ່ຫລາກຫລາຍແລ້ວ, ຍັງມີເສັ້ນ­ທາງເລກທີ 16B ອອກສູ່   ສສ ຫວຽດ­ນາມ ທີ່ຄາດວ່າ ຈະ ເປັນແລວທາງເສດ­ຖະ­ກິດທີ່ສຳ­ຄັນຂອງແຂວງເຊກອງໃນອະ­ນາ­ຄົດ.

ຂໍຂອບໃຈຂ່າວຈາກ http://www.ecom.org.la  

 

Add comment


Security code
Refresh