ມື້­ນີ້ທາງຄໍລໍາຜ່າໂລກໄອທີມີແທັບເລັດລາ­ຄາປະ­ຢັດຈາກເອເຊີນັ້ນກໍ່ຄື  Acer Iconia Tab A200  ມານໍາສະ­ເຫນີແກ່ທ່ານຜູ້ອ່ານ ເຊິ່ງແທັບເລັດຕົວນີ້ມາພ້ອມຫນ້າຈໍຂະ­ຫນາດ 10 ນິ້ວ, ຊິບປະ­ມວນ ຜົນແມ່ນ NVIDIA Tegra 2 ຄວາມໄວ 1 GHz  ແບບດູອັລຄໍຣ, ຄຸນລັກ­ສະ­ນະຕ່າງໆກໍ່ຄືກັນກັບ Iconia Tab A500 ບໍ່ແຕກຕ່າງຫຍັງຫລາຍ ພຽງແຕ່ຮຸ່ນນີ້ຖືກຕັດກ້ອງຫລັງ ແລະ ຜອດ HDMI ອອກໄປເພື່ອເປັນການຫລຸດລັກສະນະສະ­ເພາະລົງ ແຕ່ວ່າໃນເລື່ອງຂອງລະ­ບົບປະ­ຕິ­ບັດການກໍ່ຈະມາພ້ອມກັບ Android 4.0 Ice Cream Sandwich.

ດ້ານຮາດແວຣ໌ (Hardware)

   ຄືທີ່ກ່າວໄປຕອນຕົ້ນແລ້ວວ່າ Acer Iconia Tab A200 ນັ້ນມີຄຸນລັກ­ສະ­ນະສະ­ເພາະທີ່ໃກ້ຄຽງກັບຕົວ Acer Iconia Tab A500 ມີພຽງແຕ່ການຕັດກ້ອງຫລັງ ແລະ ຊ່ອງສຽບ HDMI ອອກໄປເທົ່ານັ້ນສ່ວນຮູບ­ຊົງ, ການອອກແບບ ແລະ ນ້ໍາ­ຫນັກກໍ່ຍັງໃກ້ຄຽງກັນຫລາຍ (A200 ເບົາກວ່າຫນ້ອຍຫນຶ່ງ), ສ່ວນວັດສະດຸທີ່ໃຊ້ເຮັດຕົວເຄື່ອງນັ້ນກໍ່ຖືວ່າຢູ່ໃນລະ­ດັບກາງໆ ເພາະຝາຫລັງເປັນພລາສຕິກ ແຕ່ເບິ່ງແລ້ວແຂງ­ແຮງທົນທານພໍສົມ­ຄວນ.

   Acer Iconia Tab A200ມາພ້ອມຫນ້າຈໍຂະ­ຫນາດ 10,1ນິ້ວ ແບບ WXGA ຄວາມລະ­ອຽດ 1280 x 800ພິກເຊລ, ມີລະບົບຄົ້ນຫາຕໍາ­ແຫນ່ງ GPS, ໃຊ້ລະ­ບົບປະ­ຕິ­ບັດການ Android 4.0 Ice Cream Sandwich, ຫນ່ວຍຄວາມຈຳແຣມ 1GB, ຄວາມຈຸຂອງຕົວເຄື່ອງ 16GB, ໃຊ້ພະ­ລັງ­ງານດ້ວຍແບັດເຕີຣີຂະຫນາດ 3260x2 mAh, ນອກຈາກນີ້ ຍັງມີກ້ອງຫນ້າຄວາມລະອຽດ 2ລ້ານພິກເຊລ (ບໍ່ມີກ້ອງຫລັງ) ການເຊື່ອມຕໍ່ດ້ວຍ Wi-Fi 802.11b/g/n ແລະ Bluetooth 2.1.

   ເບິ່ງຄຸນລັກ­ສະ­ນະກັນແດ່ແລ້ວບັດນີ້ເຮົາມາເບິ່ງເລື່ອງຂອງການບັນ­ຈຸໃນກ່ອງ ແລະ ຕົວເຄື່ອງກັນຕໍ່ ໂດຍກ່ອງທີ່ບັນ­ຈຸນັ້ນຈະເປັນສີຂາວມີສັນ­ຍະ­ລັກເອເຊີສີ­ຂຽວດ້ານເທິງເບື້ອງຊ້າຍມືລຸ່ມລົງມາເປັນຮູບ ແລະ ຕົວຫນັງ­ສືທີ່ຂຽນໃສ່ວ່າ Acer Iconia Tab A200 ແລະ ສັນ­ຍະ­ລັກລະ­ບົບປະ­ຕິ­ບັດການແອນດຣອຍຕົວສີ­ຂຽວໆ ເມື່ອເປີດອອກມາພາຍໃນກ່ອງຈະມີຕົວເຄື່ອງ, ປຶ້ມຄູ່ມື, ສາຍດາຕາ ແລະ ສາຍສາກແບັດເຕີຣີ.

   ແທັບເລັດ Acer Iconia Tab A200 ມາພ້ອມກັບການອອກແບບທີ່ເບິ່ງທັນສະ­ໄຫມດ້ວຍການໃຊ້ສີແບບທູໂທນ ໂດຍບໍລິເວັນດ້ານຫນ້າເປັນສີ­ດໍາ ແລະ ດ້ານຫລັງຈະມີ 2 ສີໃຫ້ເລືອກລະ­ຫວ່າງສີ­ແດງ ແລະ ສີເທົາໃຫ້ຄວາມຮູ້ສຶກຫນັກແຫນ້ນໃນມຸມມອງລວງນອນວັດ­ແທກຂະ­ຫນາດຕົວເຄື່ອງໄດ້ຄວາມຍາວ 260 ມີລີແມັດສູງ 175 ມີລີແມັດ ຫນາ 12,4 ມີລີແມັດ ມີນ້ໍາ­ຫນັກເຄື່ອງ 720 ກຣາມ, ຫນ້າຈໍສະ­ແດງຜົນເປັນຊະ­ນິດ TFT-LCD ມີຄວາມກວ້າງ 10,1 ນິ້ວ (WXGA) ຄວາມລະ­ອຽດ 1280 x 800 ພິກເຊລຮອງຮັບການນໍາໃຊ້ແບບມັລຕິທັດ,  ດ້ານຫນ້າໃນມຸມມອງດຽວກັນມີໂລໂກ Acer ຢູ່ດ້ານລຸ່ມ ເມື່ອເປີດເຄື່ອງ ແລະ ລອັກອິນເຂົ້າໄປກໍ່ຈະເຫັນມີປຸ່ມມົນໆນັ້ນກໍ່ຄື Acer Ring ສ່ວນດ້ານເທິງມີກ້ອງມາພ້ອມຄວາມລະ­ອຽດ 2 ລ້ານພິກເຊລແບບໃຊ້ບັນ­ທຶກໄດ້ທັງພາບທໍາມະດາ ແລະ ພາບເຄື່ອນໄຫວ ຫລື ວິດີໂອ ລວມທັງຮອງຮັບວິດີ ໂອLSWinErrຄອລລ໌.

[ອ່ານຕໍ່ສະ­ບັບຫນ້າ]

  ດ້ານຊ້າຍມີປຸ່ມເປີດ-ປິດເຄື່ອງເຊິ່ງຫນ້າ­ທີ່ເປັນປຸ່ມລອັກຫນ້າຈໍສະ­ແດງຜົນ, ຊ່ອງສຽງຫູຟັງຂະ ຫນາດ 3,5 ມີລີແມັດ, ຜອດ microUSB (Slave), ຜອດUSB 2.0 (Host) ສາ­ມາດນຳ ອຸ­ປະ­ກອນເກັບຂໍ້ມູນ USB ມາ ສຽບລົງໃສ່ຜອດນີ້ເພື່ອໃຫ້ເຂົ້າ ເຖິງມີເດຍຟາຍລ໌ຕ່າງໆ ໂດຍສະ­ຫນັບ­ສະ­ຫນູນສະ­ເພາະອຸ­ປະ­ກອນເກັບຂອງມູນທີ່ໃຊ້ລະ­ບົບຟາຍລ໌ FAT, FAT32 ຫລື NTFS ແລະມີຊ່ອງສຽບສຳ­ລັບໃສ່ກາຣດ໌  microSD ໄດ້ເພີ່ມເຕີມຮອງຮັບໄດ້ສູງສຸດ 32GB ແລະ ມີປຸ່ມສຳ­ລັບ Reset ເຄື່ອງ ໂດຍມີຝາປິດປ້ອງກັນຝຸ່ນລະ­ອອງ, ດ້ານຂວາມີຮູສຽບສາຍສາກແບັດເຕີຣີ, ດ້ານເທິງມີປຸ່ມປັບລະ­ດັບສຽງ, ປຸ່ມສຳລັບລອັກການຫມຸນຂອງຫນ້າຈໍໃຫ້ຢູ່ໃນລວງໃດລວງຫນຶ່ງ ໂດຍສະ­ເພາະ ແລະ ມີຮູໄມໂຄຣໂຟນຢູ່ບໍ­ລິ­ເວນເຄິ່ງກາງ, ດ້ານລຸ່ມຈະລຽບໆບໍ່ມີປຸ່ມຫຍັງ, ດ້ານຫລັງມີລຳໂພງສະເຕີຣີໂອດ້ວຍກັນ 2 ອັນຢູ່ບໍ­ລິ­ເວນສ່ວນລຸ່ມ.

  ດ້ານຊອຟທ໌ແວຣ໌

  Acer Ring

ໃນສ່ວນຂອງຊອຟທ໌ແວຣ໌ ຂອງ Acer Iconia Tab A200  ນັ້ນຈະມາພ້ອມກັບລະ­ບົບປະ­ຕິ­ບັດການ Android 4.0 ICS ເຊິ່ງກໍ່ ເຮັດອອກມາໃຊ້ໄດ້ພໍສົມ­ຄວນ (ແຕ່ຮູ້­ສຶກກະ­ຕຸກເລັກນ້ອຍຕອນປ່ຽນຫນ້າຈໍວິດເຈັດ ແຕ່ຫນ້າແປກ ທີ່ເມື່ອເຂົ້າໃນຫນ້າຈໍເລືອກແອບພລິເຄເຊິນຜັດເຮັດໄດ້ລ່ຽນ­ໄຫລດີ) ທີ່ຫນ້າສົນ­ໃຈຄື UI ທີ່ເພີ່ມເຂົ້າມານັ້ນກໍ່ຄື Acer Ring ທີ່ເຮັດໃຫ້ໃຊ້ວຽກໄດ້ສະ­ດວກຫລາຍຂຶ້ນ  ໂດຍເຮົາສາ­ມາດຕັ້ງຄ່າເລືອກແອບພລິເຄເຊິນທີ່ໃຊ້ວຽກຢູ່ເລື້ອຍໆມາໄວ້ໃນ  Acer Ring ໄດ້ອີກດ້ວຍ ລວມໄປເຖິງການເປີດບຸກມາກ (Bookmark) ໄດ້ຢ່າງງ່າຍ ດາຍ; ສຳ­ລັບຫນ້າຈໍກໍ່ມີລູກຫລິ້ນ ຕອນປົດລອັກທີ່ເຮັດໃຫ້ເຮົາສາ­ມາດປົດລອັກເຄື່່ອງພ້ອມເຂົ້າເຖິງ ແອບພລິເຄເຊິນທີ່ເຮົາຕ້ອງ­ການໄດ້ຢ່າງວ່ອງ­ໄວ (ສາ­ມາດຕັ້ງຄ່າ ໄດ້ 4 ແອບພລິເຄເຊິນ).

Mutitasking

ເນື່ອງຈາກ Acer IconiaTab A200  ມາພ້ອມ Android4.0 ICS ກໍ່ເລີຍມີ Multitaskingເພີ່ມເຂົ້າມາໃຫ້ ເຊິ່ງໃຊ້ວຽກກໍ່ ສະ­ດວກຫລາຍ ເມື່ອເຮົາຕ້ອງ ການສະ­ຫລັບແອບພລິເຄເຊິນ ຫລື ເປີດໃຊ້ວຽກຫລາຍແອບພລິເຄ ເຊິນພ້ອມກັນ (ແລະສາ­ມາດປິດແອບພລິເຊິນທີ່ຄ້າງໄວ້ໄດ້ງ່າຍໆ ດ້ວຍການປັດນິ້ວມືໄປທາງຊ້າຍ ຫລື ທາງຂວາ)

  Browser

  ການໃຊ້ບຣາວເຊີເພື່ອທ່ອງອິນເຕີເນັດກໍ່ຖືວ່າດີ­ເລີດເລີຍ (ເມື່ອລອງປຽບ­ທຽບກັບTransformer Prime ແລ້ວເຂົ້າໄດ້ໄວເທົ່າໆກັນເລີຍຫນ້າແປກຫລາຍ) ສາ­ມາດຮອງຮັບ  Flash Player ໄດ້ສະ­ບາຍໆທີ່ສຳ­ຄັນເມື່ອມາພ້ອມກັບ Android 4.0 ICS ກໍ່ເຮັດໃຫ້ສາ­ມາດບັນ­ທຶກເພຈໄວ້ອ່ານແບບ offline ໄດ້ອີກດ້ວຍ (ລວມເຖິງການເລືອກໃຫ້ສະ­ແດງຜົນໃນຮູບແບບ PC)

  Clear.fi

  ເປັນແອບພລິເຄເຊິນທີ່ໄວ້ໃຊ້ເປີດຟາຍລ໌ຮູບພາບ, ວິດີໂອ, ເພງໃນຕົວແທັບເລັດຂອງເຮົາ ໂດຍສາ­ມາດ Stream ຟາຍລ໌ມີເດຍຕ່າງໆຈາກຄອມ ພິວເຕີຂອງເຮົາມາຫລິ້ນໃນແທັບເລັດໄດ້ (ແຕ່ຕ້ອງຜ່ານສັນ­ຍານ Wi-Fi ດຽວກັນ ແລະ ຕ້ອງເຂົ້າໄປຕັ້ງຄ່າໃນຄອມເຮົາກ່ອນ)

 Document To Go

ເປັນແອບພລິເຄເຊິນສຳ­ລັບເປີດ ແລະ ແກ້ໄຂຟາຍລ໌ເອ­ກະ­ສານທີ່ມາພ້ອມຕົວເຄື່ອງເລີຍ (ປົກກະ ຕິຈະເຫັນແຕ່ Poralis Office) ເຊິ່ງຕົວນີ້ກໍ່ໃຊ້ວຽກໄດ້ດີບໍ່ນ້ອຍ ຫນ້າກັນ

  Google Play

ມັນກໍ່ຄື Android Market  ທີ່ປ່ຽນຊື່ໃຫມ່ນັ້ນເອງໄວ້ສຳ­ລັບ ດາວໂຫລດແອບພລິເຄເຊິນຕ່າງໆລົງໃສ່ໃນເຄື່ອງເຮົາ ຖືວ່າເປັນແອບພລິເຄເຊິນທີ່ຈຳ­ເປັນຫລາຍໃນແທັບເລັດແອນດຣອຍ

Games

ຫລິ້ນເກມທົ່ວໄປກໍ່ເຮັດໄດ້ດີດ້ວຍພະ­ລັງຂອງ NVIDIA Tegra 2 ກໍ່ພຽງ­ພໍໃຫ້ທ່ານຫລິ້ນເກມໄດ້ຄົບທຸກເກມແລ້ວ ນອກນັ້ນ ຍັງມີແອບພລິເຄເຊິນທີ່ຫນ້າສົນ­ໃຈຕ່າງໆທີ່ຕິດເຄື່ອງມາໃຫ້ອີກ ຫລາກຫລາຍ

ສະ­ຫລຸບ

ຈາກທີ່ລອງຫລິ້ນເບິ່ງກໍ່ບໍ່ມີຫຍັງທີ່ໂດດເດັ່ນຫລາຍປານ­ໃດເພາະຄຸນລັກ­ສະ­ນະສະ­ເພາະລະ­ດັບນີ້ກໍ່ອອກມາໃຫ້ຫລິ້ນດົນພໍສົມ­ຄວນແລ້ວ ແລະ ຍັງມີການຫລຸດຄຸນລັກ­ສະ­ນະ ໂດຍການເອົາກ້ອງຫລັງ ແລະ ຜອດ HDMI ອອກ ໄປອີກ (ຄິດວ່າຈຸດເດັ່ນຂອງ Acer ຄືມີຜອດຄົບຖ້ວນ ແຕ່ຜັດເອົາອອກ                                                                   ໄປຊ້ຳ) ເຮັດໃຫ້ Acer IconiaTab A200  ເບິ່ງແລ້ວເຄິ່ງໆ ກາງໆ ແຕ່ຢ່າງ­ໃດກໍ່ຕາມ AcerIconia Tab A200  ທີ່ມາພ້ອມກັບລະ­ບົບປະ­ຕິ­ບັດການ Android 4.0 ICSທີ່ມີຟີເຈີ ແລະ  ລູກຫລິ້ນທີ່ຫນ້າສົນ­ໃຈເພີ່ມເຂົ້າມາໃຫ້ເລີຍເຮັດໃຫ້  Acer Iconia Tab A200 ເປັນອີກທາງເລືອກສຳ­ລັບຜູ້ທີ່ກຳ­ລັງຫັດຫລິ້ນແທັບເລັດແອນດຣອຍ.

ຈຸດເດັ່ນ

-  ເປັນແທັບເລັດຫນ້າຈໍ ຂະ­ຫນາດ 10ນິ້ວ ໃນລາ­ຄາກຳ ລັງພໍ­ດີ

-   ມາພ້ອມລະ­ບົບປະ­ຕິ­ບັດ ການ Android 4.0 ICS ແລະ ແອບພລິເຄເຊິນ Acer Ring ຊ່ວຍ ໃນການນຳໃຊ້ທີ່ສະ­ດວກຍິ່ງຂຶ້ນ

-  ມີຜອດ USB (ຕໍ່ເມົາສ໌, ຣຳດຣາຍຟ໌ໄດ້ສະ­ບາຍໆ)

  ຈຸດສັງ­ເກດ

- ຕົວເຄື່ອງຂ້ອນຂ້າງຫນັກ ແລະ ຫນາ

-    ບໍ່ມີກ້ອງຫລັງ

-    ຫນ້າຈໍສີຂ້ອນຂ້າງຈືດ

ຂໍຂອບໃຈຂ່າວຈາກ http://www.ecom.org.la