ພາລະກິດນຳຕົ້ນມະນີໂຄດຂຶ້ນບໍ່ສຳເລັດ ປະຊາຊົນບາງຄົນເຊື່ອເຈົ້າທີ່ຍັງບໍ່ອະນຸຍາດ

ພາລະກິດນຳຕົ້ນມະນີໂຄດຂຶ້ນບໍ່ສຳເລັດ ປະຊາຊົນບາງຄົນເຊື່ອເຈົ້າທີ່ຍັງບໍ່ອະນຸຍາດ


manee1

 

 ພາ­ລະ­ກິດການນຳຕົ້ນມະນີໂຄດທີ່ເຊື່ອວ່າເປັນຕົ້ມໄມ້ສັກສິດຫລາຍພັນປີຂຶ້ນຮັກ­ສາຂອງເຈົ້າຫນ້າ­ທີ່ທ່າມ­ກາງປະ­ຊາ­ຊົນຫລາຍກວ່າ 10 ພັນຄົນແຫ່ເປັນກຳ­ລັງໃຈຍັງບໍ່ສຳ­ເລັດ, ຄະ­ນະ ຮັບ­ຜິດ­ຊອບຊີ້ສະ­ພາບອາ­ກາດບໍ່ອຳ­ນວຍທັງມີຄວາມສ່ຽງສູງ ຈິ່ງເລື່ອນພາ­ລະ­ກິດໄປແລ້ງປີຫນ້າ ແຕ່ປະ­ຊາ­ຊົນບາງຄົນເຊື່ອເຈົ້າທີ່ບໍ່ມີຕົວຕົນຍັງບໍ່ອະ­ນຸ­ຍາດ.

manee2


 

 ເລີ່ມແຕ່ເວ­ລາປະ­ມານ 6:00 ໂມງ ຂອງວັນທີ 19 ມິ­ຖຸ­ນາ 2012 ເຮືອ­ບິນ 2 ລຳຂອງຄະ­ນະກຳ­ມະ­ການກອບກູ້ຕົ້ນ­ໄມ້ມະ­ນີໂຄດໄດ້ເລີ່ມອອກຈາກສະ­ຫນາມບິນເມືອງປາກເຊ ແຂວງຈຳ­ປາສັກ ມຸ່ງຫນ້າໄປເມືອງໂຂງ ເພື່ອປະ­ຕິ­ບັດພາ­ລະກິດ, ໃຊ້ເວ­ລາ 40 ນາ­ທີກໍ່ເຖິງ ຈຸດ­ຫມາຍໂດຍໄດ້ຮັບການຕ້ອນ ຮັບ ແລະ ຂວັນກຳ­ລັງໃຈຈາກອຳນາດການປົກ­ຄອງເມືອງ, ບ້ານ ແລະ ພໍ່ແມ່ປະ­ຊາ­ຊົນຈຳ­ນວນຫລາຍ 10 ພັນຄົນ ແຕ່ກ່ອນຈະນຳເຮືອ­ບິນ ແລະ ຜູ້ສະ­ຫມັກລົງສູ່ຈຸດ­ຫມາຍ ທາງຄະ­ນະກຳມະການ ແລະ ອຳ­ນາດການປົກຄອງເມືອງໂຂງກໍ່ເຂົ້າສູ່ພິ­ທີ­ກຳທາງສາ­ສະ­ຫນາ ແລະ ຮີດ­ຄອງປະ­ເພ­ນີກ່ອນເຂົ້າສູ່ການປະ­ຕິ ບັດງານຕົວຈິງ, ເຊິ່ງເຮືອ­ບິນແຮ ລີຄອບເຕີລຳໃຫຍ່ຮຸ່ນໃບພັດ 2 ຊັ້ນໄດ້ບິນອອກສູ່ກາງນ້ຳເພື່ອນຳເຈົ້າຫນ້າ­ທີ່ລົງສູ່ຈຸດ­ຫມາຍ ແຕ່ກໍ່ບໍ່ສາ­ມາດຢ່ອນຕົວລົງ­ພື້ນໄດ້, ຈິ່ງຈຳ­ເປັນຕ້ອງນຳເຮືອ­ບິນກັບຄືນ ເພື່ອເຂົ້າມາປຶກ­ສາຫາ­ລື ແລະ ຊອກວິ­ທີທາງໃຫມ່.

 

   ຈົນຮອດເວ­ລາປະ­ມານ    13: 00 ໂມງທາງຄະ­ນະກຳມະການ ແລະ ເຈົ້າຫນ້າ­ທີ່ກ່ຽວ­ຂ້ອງຈິ່ງໄດ້ຕັດ­ສິນໃຈນຳຍົນບິນສູ່ຈຸດດັ່ງ­ກ່າວອີກຄັ້ງໃຫມ່ ແລະ ສາມາດຢ່ອນຕົວເຈົ້າຫນ້າ­ທີ່ 2 ສະຫາຍລົງສູ່ພື້ນຈຸດທີ່ຕົ້ນ­ໄມ້ມະ­ນີ ໂຄດລົ້ມຢູ່ ເຊິ່ງຕາມສັງ­ເກດເບິ່ງຜູ້ກ້າ­ຫານທັງສອງສະ­ຫາຍເຫັນວ່າໄດ້ມີຄວາມພະ­ຍາ­ຍາມຕີລາຕົ້ນ­ໄມ້ມະນິ­ໂຄດທີ່ລົ້ມຈົມລົງນ້ຳເຫລືອໄວ້ໃຫ້ເຫັນພຽງແຕ່ເຫງົ້າເທົ່ານັ້ນ ກ່ອນຈະໄດ້ຮັບຄຳສັ່ງໃຫ້ມັດໄວ້ເທົ່ານັ້ນ, ທ່າມ­ກາງຄວາມຜິດຫວັງຂອງປະ­ຊາ­ຊົນທີ່ຢາກເຫັນຕົ້ນ­ໄມ້ມະ­ນີໂຄດຕ່າງກໍ່ໃຫ້ກຳ­ລັງໃຈ ແລະ ພາ­ວະ­ນາໃຫ້ເຈົ້າໜ້າ­ທີ່ປະ­ຕິ­ບັດງານຢ່າງປອດໄພ.

 

   ທ່ານ ຄຳສູ້ ຈັນ­ທະວິ­ລາດ ຕາງ­ຫນ້າຄະ­ນະກຳ­ມະ­ການເກັບກູ້ຕົ້ນມະ­ນີໂຄດໃນຄັ້ງນີ້ໄດ້ເປີດເຜີຍຕໍ່ທີມຂ່າວຂອງຫນັງ­ສື­ພິມເສດ­ຖະ­ກິດŒ-ສັງ­ຄົມວ່າ: ຜ່ານການສະ­ເຫນີຂອງປະ­ຊາ­ຊົນ ແລະ ອຳ­ນາດການປົກ­ຄອງທ້ອງຖິ່ນ ແລະ ດ້ວຍຄວາມເຫັນດີຈາກຄະ­ນະພັກແຂວງ ແລະ ໄດ້ຮັບອະ­ນຸ­ຍາດຈາກລັດ­ຖະ­ບານ, ໃນການກອບກູ້ຕົ້ນ­ໄມ້ມະ­ນີໂຄດຂຶ້ນຈາກນ້ຳທີ່ລົ້ມໄປ ເມື່ອວັນທີ 9 ມີ­ນາ 2012 ຜ່ານມາທີ່ນ້ຳ­ຕົກຕາດຄອນພະເພັງ ເພື່ອນຳຂຶ້ນມາຮັກ­ສາໄວ້ຢູ່ສະ­ຖານ­ທີ່ປອດໄພ, ດັ່ງ­ນັ້ນ; ມາໃນວັນທີ 19 ມິ­ຖຸ­ນາ 2012 ຈິ່ງໄດ້ລົງ­ມືປະ­ຕິບັດຕົວຈິງ ແຕ່ຈາກການປະ­ຕິບັດງານຂອງເຈົ້າຫນ້າ­ທີ່ກອງທັບກໍ່ບໍ່ສາ­ມາດນຳຕົ້ນ­ໄມ້ດັ່ງກ່າວຂຶ້ນມາໄດ້.

 

   ທ່ານ ຄຳສູ້ ຈັນ­ທະວິ­ລາດ ກ່າວຕື່ມວ່າ: ສາ­ເຫດທີ່ບໍ່ສາ­ມາດນ້ຳຕົ້ນມະ­ນີໂຄດຂຶ້ນມາໄດ້ ເນື່ອງຈາກວ່າຈຸດດັ່ງ­ກ່າວມີກະ­ແສ­ນ້ຳທີ່ໄຫລແຮງ ພ້ອມມີຫມອກຫນາເຮັດໃຫ້ຍົນບໍ່ສາ­ມາດບິນລົງຕ່ຳໄດ້ ລວມທັງການສັງ­ເກດຕີລາຄາຂະ­ຫນາດຄວາມໃຫຍ່, ຍາວ ແລະ ນ້ຳ­ຫນັກຂອງຕົ້ນ­ໄມ້ມະນີໂຄດ ດັ່ງ­ນັ້ນ, ຈິ່ງມີຄວາມສ່ຽງສູງທີ່ຈະດຶງຂຶ້ນຈຳຕ້ອງໄດ້ມັດໄວ້ກ່ອນຮອດລະ­ດູ­ແລ້ງປະມານເດືອນກຸມ­ພາຫາ ເດືອນມີນາ 2013 ຈິ່ງຈັດຕັ້ງປະ­ຕິ­ບັດພາ­ລະ­ກິດຄັ້ງໃຫມ່.

 

   ສ່ວນທ່ານ ພັອ ພັນ­ທະມິດ ວໍ­ລະວຸດ ຫົວ­ຫນ້າກົມທະ­ຫານ ອາ­ກາດກະ­ຊວງປ້ອງກັນປະເທດກ່າວວ່າ: ຜ່ານການປະ­ຕິ­ບັດຕົວຈິງໃນການກອບກູ້ຕົ້ນ­ໄມ້ມະນີໂຄດໃນເທື່ອນີ້ເຫັນວ່າມີຄວາມຫຍຸ້ງ­ຍາກໃນເບື້ອງຕົ້ນ, ເນື່ອງຈາກສະ­ພາບອາ­ກາດບໍ່ອຳ­ນວຍເຮັດໃຫ້­ການປະ­ຕິ­ບັດວຽກບໍ່ໄດ້ຕາມຄາດ­ຫມາຍ.

 

   ຢ່າງ­ໃດກໍ່ຕາມ ຍ້ອນຄວາມພະ­ຍາ­ຍາມ ແລະ ຄວາມເອົາ­ໃຈໃສ່ຂອງທຸກພາກ­ສ່ວນທີ່ໄດ້ປຶກສາຫາ­ລືຮ່ວມກັນ ແລະ ຕັດ­ສິນໃຈປະ­ຕິ­ບັດພາ­ລະ­ກິດອອກຄັ້ງໃຫມ່ຈົນສຳ­ເລັດໃນລະ­ດັບຫນຶ່ງ ເຖິງວ່າຈະບໍ່ສາ­ມາດນຳຕົ້ນ­ໄມ້ມະ­ນີໂຄດຂື້ນມາໄດ້ ແຕ່ກໍ່ໄດ້ມັດໄວ້ເປັນຢ່າງດີມີຄວາມປອດໄພ.

 

   ທ່ານກ່າວຕື່ມວ່າ: ຕາມການລາຍງານຂອງອ້າຍນ້ອງທີ່ລົງໄປປະ­ຕິ­ບັດງານໃຫ້ຮູ້ວ່າ: ຕົ້ນ­ໄມ້ມະ­ນີໂຄດຄາດວ່າອາດມີຄວາມຍາວປະ­ມານ 20 ແມັດ, ຄວາມໃຫຍ່ຂອງລຳໄມ້ 2 ແມັດກວ່າ ແລະ ຫນັກປະ­ມານເກືອບ 3  ໂຕນ, ເຊິ່ງນ້ຳ­ຫນັກດັ່ງ­ກ່າວຄິດວ່າຍົນລຳນີ້ສາ­ມາດດຶງຂຶ້ນມາໄດ້ໃນລະ­ດູ­ແລ້ງ.

 

   ສ່ວນທາງດ້ານຂອງຜູ້ກ້າ ຫານທັງສອງສະ­ຫາຍຄື: ສະຫາຍ ເລວັນ ບົວລາວັນ ແລະ ສະຫາຍ ລຳພັນ ລືລຳເພັດ ເຈົ້າຫນ້າທີ່ຈາກກະ­ຊວງປ້ອງກັນປະ­ເທດປະ­ຈຳກອງ­ທັບ 233 ໄດ້ກາຍເປັນຂັວນໃຈຂອງປະ­ຊາ­ຊົນທີ່ເປັນຜູ້ມີຄວາມກ້າ­ຫານ ແລະ ເປັນຄົນທຳອິດທີ່ໄດ້ເຂົ້າໄປໃກ້ຕົ້ນ­ໄມ້ມະ­ນີໂຄດກ່ອນຄົນອື່ນໆໃນທົ່ວປະ­ເທດ.

 

   ການປະ­ຕິ­ບັດພາ­ລະ­ກິດໃນເທື່ອນີ້ເຖິງຈະບໍ່ສຳ­ເລັດຕາມເປົ້າຫມາຍທີ່ປະ­ຊາ­ຊົນຄອງຄອຍກໍ່ຕາມ ແຕ່ກໍ່ຫນ້າຍົກ­ຍ້ອງໃນຄວາມກ້າ­ຫານຂອງເຈົ້າຫນ້າທຸກທ່ານຈົນສາ­ມາດນຳຕົນກັບຄືນມາຝັ່ງໄດ້ຢ່າງປອດໄພ ຂະນະທີ່ປະ­ຊາ­ຊົນຫລາຍຄົນເຊື່ອຕາມການທ້ວງຂອງຫລັກບ້ານທີ່ປະ­ຊາ­ຊົນເຂດດັ່ງ­ກ່າວໃຫ້­ການ ເຊື່ອຖືວ່າຍ້ອນສິ່ງສັກ­ສິດທີ່ຄຸ້ມຄອງຍັງບໍ່ທັນອະ­ນຸ­ຍາດໃຫ້ນຳ ຕົ້ນມະ­ນີໂຄດທີ່ເປັນມິ່ງ­ຂວັນຫລາຍພັນປີຂຶ້ນຈາກເຂດດັ່ງ ກ່າວເທື່ອ (ນີ້ກໍ່ເປັນພຽງຄວາມເຊື່ອສ່ວນບຸກ­ຄົນ).

 

   ຕົ້ນ­ໄມ້ມະ­ນີໂຄດຕາມການບອກ­ເລົ່າຕໍ່ກັນມາຂອງເຖົ້າແກ່ຫລາຍ­ເຊັ່ນ­ຄົນວ່າເກີດມາໄດ້ຫລາຍພັນປີແລ້ວ ພ້ອມເປັນ­ຕົ້ນໄມ້ທີ່ສັກ­ສິດເປັນມິ່ງບ້ານຂວັນ ເມືອງຂອງຊາວລາວ ກໍ່ຄືຊາວ ເມືອງໂຂງ ແຕ່ມາເຖິງປະ­ຈຸບັນ ນີ້ກໍ່ຍັງບໍ່ມີນັກ­ວິ­ທະ­ຍາ­ສາດຄົນໃດຢັ້ງ­ຢືນໄດ້ເຖິງອາ­ຍຸ ແລະ ຄວາມຊັດເຈນຂອງຕົ້ນ­ໄມ້ດັ່ງກ່າວເທື່ອ.

 

ຂໍຂອບໃຈຂ່າວຈາກ http://www.ecom.org.la

 


ແກ້ໄຂລ່າສຸດ (ມື້ອັງຄານທີ່ 26 ມິຖຸນາ 2012 ເວລາ 17: 44)

 

Add comment


Security code
Refresh