ຟູເຖາະ ຊ່ວຍກໍ່ສ້າງສຳນັກງານສະພາແຫ່ງຊາດເຂດເລືອກຕັ້ງທີ III

*ພິທີມອບ-ຮັບດັ້ງກ່າວໄດ້ຈັດຂຶ້ນໃນຕອນເຊົ້າຂອງວັນທີ 31 ກໍລະກົດ 2012. ທີ່ສຳນັກງານ ສະພາແຫ່ງຊາດເຂດເລືອກຕັ້ງທີ III ຈາກຫຼວງນ້ຳທາໂດຍການເຂົ້າຮ່ວມ ຂອງ ທ່ານ ນາງ ປານີ ຢາທໍ້ຕູ້ ກຳມະການກົມການ ເມືອງສູນກາງພັກປະທານສະພາແຫ່ງຊາດ. ທ່ານ ດຣ ພີມມະສອນ ເລືອງຄຳມາ ກຳມະການສູນກາງພັກເລຂາພັກແຂວງ ເຈົ້າແຂວງຫຼວງນ້ຳ ທາ, ທ່ານ ຕ້າມິງເຈົາ ເອກອັກຄະລັດຖະທູດແຫ່ງ ສສ ຫວຽດນາມປະຈຳ ສປປ ລາວ, ທ່ານ ຮວາງມາກ ຮອງເລຂາພັກແຂວງ ປະທານຄະນະກຳມະການປະຊາຊົນແຂວງຟຸຖໍ່ ພ້ອມຄະນະມີບັນດາທ່ານຄະນະປະຈຳພັກແຂວງ, ຄະນະພັກແຂວງ, ຫົວໜ້າພະແນກ-ຮອງພະແນກການ ພະນັກງານ ບຳນານ ເຂົ້າຮ່ວມ.

ໃນພິທີ ທ່ານ ສົມໝາຍ ບຸບພາພີ ຜູ້ອຳນວຍການບໍລິສັດ ສົມປະສົງກໍ່ສ້າງ ຜູ້ຮັບເໝົາໂຄງການຜ່ານ ບົດລາຍງານການກໍ່ສ້າງເຊິງໂຄງການກໍ່ສ້າງອາຄານສຳນັກງານ ສະພາ ແຫ່ງຊາດ ເຂດ ເລືອກຕັ້ງທີ III ແຂວງຫຼວງນ້ຳທາເປັນອາຄານ 3 ຊັ້ນຖາວອນມີຂະໜາດ ກ້ວາງ 12 ແມ້ດ, ປະກອບມີ 24 ຫ້ອງເຮັດວຽກ ແລະ ຫ້ອງປະຊຸມ 2 ຫ້ອງເຊິງ ອາຄານ ກໍ່ສ້າງແບບຊົງລາວ ເສົາ, ຄານ, ແຜນຟື້ນສ້າງ ດ້ວຍເບຕົ່ງເສີມເຫຼັກໂຄງຫຼັງຄາເຫຼັກ, ພ້ອມປະກອບເຄື່ອງເຟີນີເຈີ ແລະ ອຸປະກອນ ໄຟຟ້າຄົບສຸດ ໃນມຸນຄ່າຂອງການກໍ່ສ້າງ 3 ຕື້ 800 ລ້ານກີບ ໂດຍແມ່ນທຶນຊ່ວຍເຫຼືອຂອງພັກ-ລັດ ສະພາປະຊາຊົນແຂວງຟຸຖໍ່ແຫ່ງ ສ ສ ຫວຽດນາມ ແລະ ສະພາແຫ່ງຊາດ ສປປ ລາວ ປະກອບສ່ວນ 1 ຕື້ 221 ລ້ານ ກ່ວາກີບ.

ທ່ານຮວາງເຢີນມາກ ຮອງເລຂາພັກແຂວງປະທານຄະນະກຳມະການປະຊາຊົນແຂວງຟຸຖໍ່ແຫ່ງ ສສ ຫວຽດນາມ ຂຶ້ນກ່າວມອບ ແລະ ທ່ານ ດຣ ພີມມະສອນ ເລືອງຄຳມາ ກຳມະ ການສູນກາງພັກເລຂາພັກແຂວງເຈົ້າແຂວງ ແຂວງຫຼວງນ້ຳທາຂຶ້ນກ່າວ ຮັບພ້ອມທັງຕັດແຖບຜ້າເປີດອາຄານສຳນັກງານຢ່າງເປັນທາງການ, ທ່ຽວຊົມບັນດາ ຫ້ອງເຮັດວຽກ ຂອງອາຄານແຕ່ລະຊັ້ນ ແລະ ຮ່ວມກັນປູກຕົ້ນໄມ້, ອາຄານສຳນັກງານສະພາແຫ່ງຊາດເຂດເລືອກຕັ້ງທີ່ III ຂອງຫຼວງນ້ຳທານີ້ແມ່ນເປັນຂອງຂວັນອັນລ້ຳ ຄ່າຈາກແຂວງຟຸຖໍ່ ສສ ຫວຽດນາມ ມອບໃຫ້ແກ່ແຂວງຫຼວງນ້ຳທາ ເນື່ອງໃນໂອກາດສະເຫຼີມສະຫຼອງ 2 ວັນປະຫວັດສາດ ລາວ-ຫວຽດນາມ, ຫວຽດນາມ-ລາວ ພ້ອມທັງເປັນການສືບຕໍ່ເພີ້ມພູນຄູນ ສ້າງສາຍພົວພັນ, ຄວາມສາມັກຄີທີແບບພິເສດ ລະຫ່ວາງສອງພັກ, ສອງລັດ ແລະ ປະຊາຊົນສອງຊາດລາວ-ຫວຽດນາມ ໃຫ້ໝັ້ນຄົງທະນົງແກ່ນຕະຫຼອດໄປ.

ຂໍຂອບໃຈຂ່າວຈາກ http://www.kpl.net.la/

 

Add comment


Security code
Refresh