ລາວ-ຫວຽດນາມ ຮັດແໜ້ນການຮ່ວມມືແນວລາວສ້າງຊາດ

 

(ຂປລ): ຄະນະຜູ້ແທນຂັ້ນສູງປະທານສູນກາງແນວລາວສ້າງຊາດນຳໂດຍ ທ່ານ ດຣ ພັນດວງຈິດ ວົງສາ, ກຳມະການສູນກາງພັກ, ສະມາຊິກສະພາແຫ່ງຊາດ, ພ້ອມດ້ວຍຄະນະໄດ້ ໄປຢ້ຽມຢາມ ແລະ ເຮັດວຽກຢູ່ ສສ. ຫວຽດນາມ ຢ່າງເປັນທາງການ ແຕ່ວັນທີ 12-16 ສິງຫາ 2012 ແລະ ໄດ້ຮັບຜົນສຳເລັດຢ່າງຈົບງາມ.

ຄະນະຜູ້ແທນຂັ້ນສູງສູນກາງແນວລາວສ້າງຊາດ ນຳໂດຍ ທ່ານ ດຣ ພັນດວງຈິດ ວົງສາ, ປະທານສູນກາງແນວລາວສ້າງຊາດ ພ້ອມດ້ວຍຄະນະ ໄດ້ມີການພົບປະສອງຝ່າຍກັບ ຄະນະກຳມະການສູນກາງແນວໂຮມປະເທດຊາດຫວຽດນາມ ແລະ ໄດ້ປະດັບຫລຽນໄຊອິດສະຫລະອັນສູງສົ່ງ ຊັ້ນ I ໃຫ້ແກ່ທ່ານ ຮວິ່ງດາມ, ປະທານແນວໂຮມປະເທດຊາດ ສສ.ຫວຽດນາມ, ປະດັບຫລຽນໄຊອິດສະຫລະ ຊັ້ນ II ໃຫ້ ທ່ານ ຫວູ ຈອງກິມ, ກຳມະການສູນກາງພັກ, ຮອງປະທານ, ເລຂາທິການ ສູນກາງແນວໂຮມ, ປະທານ ສະພາມິດ ຕະພາບ ຫວຽດນາມ-ລາວ ແລະ ທ່ານ ເຈີ້ນ ວັນດັງ, ອະດີດກຳມະການສູນກາງພັກ, ອະດີດເລຂາທິການສູນກາງແນວໂຮມປະເທດຊາດຫວຽດນາມ, ພ້ອມທັງປະດັບ ຫລຽນໄຊແຮງງານ ຊັ້ນ II ໃຫ້ຄະນະ ປະທານສູນກາງແນວໂຮມປະເທດຊາດຫວຽດນາມ, ອະດີດຄະນະປະຈຳ ຈຳນວນ 6 ສະຫາຍ, ປະດັບຫລຽນ ໄຊອິດສະຫລະຊັ້ນ III ໃຫ້ບັນດາຮອງປະທານ, ກຳມະການໃນຄະນະປະທານ ອະດີດຄະນະປະຈຳ ຈຳນວນ 11 ທ່ານ ແລະ ປະດັບຫລຽນກາລະນຶກ 60 ປີ ໃຫ້ຜູ້ທີ່ຜົນງານດີເດັ່ນກ່ຽວກັບວຽກງານ ແນວລາວສ້າງຊາດ ຈຳນວນ 31 ທ່ານ ແລະ ປະດັບຫລຽນກາມິດຕະພາບໃຫ້ປະທານແນວໂຮມແຂວງຕວຽນກວາງ.

ພ້ອມນີ້ຄະນະຜູ້ແທນຂັ້ນສູງຄະນະກຳມະການສູນກາງແນວລາວສ້າງຊາດຍັງໄດ້ເຊັນສັນຍາຮ່ວມມືລະຫວ່າງ ຄະນະກຳມະການສູນກາງແນວລາວສ້າງຊາດ ແລະ ຄະນະກຳມະ ການຊົນເຜົ່າ ສສ.ຫວຽດນາມ ໄລຍະປີ 2012-2020, ເຊິ່ງລົງນາມເຊັນສັນຍາໃນຄັ້ງນີ້ ຝ່າຍລາວ ນຳໂດຍ ທ່ານ ດຣ ພັນດວງຈິດ ວົງສາ, ກຳມະການສູນກາງພັກ, ປະທານສູນ ກາງແນວລາວສ້າງຊາດ, ຝ່າຍຫວຽດນາມ ນຳໂດຍ ທ່ານ ຢາງ ແຊວຟື, ກຳມະການສູນກາງພັກ, ລັດຖະມົນຕີ, ຫົວໜ້າຄະນະກຳມະການຊົນຊາດແຫ່ງ ສສ.ຫວຽດນາມ, ຄະນະຜູ້ ແທນຄະນະກຳມະການສູນກາງແນວລາວສ້າງຊາດ ໄດ້ປະດັບຫລຽນໄຊອິດສະຫລະ ຊັ້ນ I ໃຫ້ຄະນະກຳມະການຊົນຊາດ ແຫ່ງ ສສ.ຫວຽດນາມ, ປະດັບຫລຽນໄຊອິດສະຫລະ ຊັ້ນ II ໃຫ້ ທ່ານ ຢາງ ແຊວຟື, ຫົວໜ້າກຳມະການຊົນຊາດ ແຫ່ງ ສສ.ຫວຽດ ນາມ ແລະ ປະດັບຫລຽນໄຊອິດສະຫລະ ຊັ້ນ III ຈຳນວນ 05 ທ່ານ, ຫລຽນກາລະນຶກຄົບຮອບ 60 ປີ ຈຳນວນ 18 ທ່ານ. ໃນໂອກາດນີ້ ຄະນະຜູ້ຄະນະກຳມະການສູນກາງແນວລາວສ້າງຊາດ ຍັງໄດ້ປະດັບຫລຽນໄຊແຮງງານຊັ້ນ I ໃຫ້ກົມພົວພັນຮ່ວມມືຕ່າງປະເທດຄະນະ ກຳມະການສາສະໜາ, ຫລຽນໄຊແຮງງານ ຊັ້ນ II ໃຫ້ສູນຄົ້ນຄ້ວາຝຶກອົບຮົມວິຊາຊີບ ວຽກງານສາສະໜາ ແຫ່ງ ສສ. ຫວຽດນາມ, ພ້ອມທັງປະດັບຫລຽນໄຊອິດສະຫລະ ຊັ້ນ III ໃຫ້ການນຳ ແລະອະດີດການນຳຄະນະກຳມະການ ແຫ່ງ ສສ. ຫວຽດນາມ ຈຳນວນ 03 ທ່ານ ແລະ ປະດັບຫລຽນກາລະນຶກຄົບຮອບ 60 ປີ ວັນສ້າງຕັ້ງແນວລາວສ້າງຊາດ ໃຫ້ຜູ້ທີ່ມີຜົນງານດີເດັ່ນກ່ຽວກັບວຽກງານແນວລາວສ້າງຊາດ ຈຳນວນ 20 ທ່ານ, ຄະນະຜູ້ແທນຄະນະກຳມະການສູນກາງແນວລາວສ້າງຊາດ ໄປຢ້ຽມຢາມ ແລະ ເຮັດວຽກຢູ່ ຮ່າໂນ້ຍ ສສ. ຫວຽດນາມ ໃນຄັ້ງນີ້ ເປັນການປະກອບສ່ວນເຂົ້າໃນການລະນຶກ 2 ວັນປະຫວັດສາດ ລາວ-ຫວຽດນາມ ວັນສ້າງຕັ້ງສາຍພົວພັນການທູດ ຄົບຮອບ 50 ປີ, ວັນເຊັນສົນທິສັນຍາມິດຕະພາບ ລາວ-ຫວຽດນາມ ຄົບຮອບ 35 ປີ ແລະ ໃນບັນຍາກາດລະນຶກການປະຕິວັດເດືອນ 8 ສຳເລັດຜົນ, ເປັນຜູ້ເພີ້ມພູນຄູນສ້າງ ຄວາມສາມັກຄີພິເສດ ລາວ-ຫວຽດນາມ ເຊິ່ງເປັນມໍລະດົກອັນລ້ຳຄ່າຂອງ ສອງຊາດ ທັງເປັນຕົວແບບທີ່ດີການພົວພັນສາກົນທີ່ຫາຍາກໃນໂລກ./.

 

ຂໍຂອບໃຈຂ່າວຈາກ http://www.kpl.net.la/

ແກ້ໄຂລ່າສຸດ (ມື້ຈັນທີ່ 20 ສິງຫາ 2012 ເວລາ 04: 59)

 

Add comment


Security code
Refresh