ທ່ານ ນາຍົກລັດຖະມົນຕີຕີລາຄາ​ການ​ຮ່ວມ​ມື​ພົວພັນ​ການ​ຄ້າ​ລາວ-ຍີ່ປຸ່ນ

(ຂປລ) ທ່ານ ທອງສິງ ທຳມະວົງ ນາຍົກລັດຖະມົນຕີແຫ່ງ ສປປ ລາວໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບຂອງທ່ານ ຮີໂຣຢູກິ ອີຊີເຈ (HIROYUKI Ishige) ປະທານ ແລະ ຜູ້ອຳນວຍການໃຫຍ່ອົງການການຄ້າຕ່າງປະເທດຍີ່ປຸ່ນ (JETRO) ໃນວັນທີ 29 ສິງຫາ 2012 ຢູ່ທີ່ຫ້ອງວ່າການລັດຖະບານ, ໃນໂອກາດທີ່ເດີນທາງມາຢ້ຽມຢາມ ສປປ ລາວ ແຕ່ວັນທີ 28-29 ສິງຫາ 2012 ນີ້ ເພື່ອສະແດງຄວາມຂອບໃຈຕໍ່ທ່ານນາຍົກທີ່ໄດ້ໃຫ້ກຽດປາຖະກະຖາກ່ຽວກັບການລົງທຶນຢູ່ ສປປ ລາວ ໃນໂອກາດເດີນທາງໄປຢ້ຽມຢາມ ຍີ່ປຸ່ນຢ່າງເປັນທາງການ ແລະ ໄດ້ແນະນຳໂຄງການຮ່ວມມືເພື່ອພັດທະນາຫັດກະກຳລາວ ຫັນເປັນອຸດສະຫະກຳຕາມການສະເໜີຂອງລັດຖະບານລາວ.

ທ່ານ ນາຍົກລັດຖະມົນຕີ ທອງສິງ ທຳມະວົງ ໄດ້ສະແດງຄວາມຕ້ອນຮັບ ແລະ ຊົມເຊີຍພ້ອມທັງຕີລາຄາສູງຕໍ່ ທ່ານ ປະທານ ແລະ ຜູ້ອຳນວຍການໃຫຍ່ອົງການການຄ້າຕ່າງປະ ເທດຍີ່ປຸ່ນທີ່ໄດ້ເດີນທາງມາຢ້ຽມຢາມ ສປປ ລາວ ໃນຄັ້ງນີ້ເຊິ່ງເປັນການປະກອບສ່ວນສຳຄັນເຂົ້າໃນການເສີມຂະຫຍາຍສາຍພົວພັນ ແລະ ການຮ່ວມມືລະຫວ່າງສອງປະເທດ ລາວ-ຍີ່ປຸ່ນໂດຍສະເພາະແມ່ນແມ່ນການພົວພັນຮ່ວມມືໃນການຄ້າການລົງທຶລະຫວ່າງ ລາວ ແລະ ອົງການການຄ້າຕ່າງປະເທດຍີ່ປຸ່ນໃຫ້ນັບມື້ນັບກວ້າງຂວາງຍິ່ງໆຂຶ້ນ.

 

ຂໍຂອບໃຈຂ່າວຈາກ http://www.kpl.net.la/

ແກ້ໄຂລ່າສຸດ (ມື້ພະຫັດທີ່ 30 ສິງຫາ 2012 ເວລາ 09: 34)

 

Add comment


Security code
Refresh