ພັດທະນາ ​ແລະ ຕິດຕັ້ງ​ເອ​ເລັກ​ໂຕຣນິກ ຢູ່​ດ່ານ​ສາກົນ

(ຂປລ) ໃນວັນທີ28 ກັນຍາ 2012 ທີ່ນະຄອນຫລວງວຽງຈັນ, ທ່ານອາດສະພັງທອງ ສີພັນດອນ ຫົວໜ້າກົມພາສີ ກະຊວງການເງິນ ໄດ້ລົງນາມໃນບົດສັນຮ່ວມກັບທ່ານ ພິສິດ ບັນຍາດິດ ຜູ້ອຳນວຍການບໍລິສັດ ບີເອັມເອັມ ຈຳກັດຜູ້ດຽວ ແລະ ທ່ານນາງວັດສະລີ ວັນນະເຊດ ຜູ້ອຳນວຍ ການ ບໍລິສັດ ວີເທັກ ຈຳກັດຜູ້ດຽວ ເພື່ອດຳເນີນໂຄງການພັດທະ ນາ ແລະ ຕິດຕັ້ງເຄື່ອງເອເລັກໂຕຣນິກທັນສະໄໝ (RFID) ຢູ່ດ່ານສາກົນທົ່ວປະເທດ ຂອງສປປ ລາວ.

ທ່ານ ພູວຽງ ແກ້ວມີໄຊກ່າວວ່າ: ໂຄງການນີ້ຈະໄດ້ເລີ່ມດຳເນີນການພາຍຫລັງເຊັນກັນໃນ 15 ວັນ ແລະ ມີກຳນົດ 3 ເດືອນໃຫ້ສຳເລັດ, ມີມູນຄ່າ 7 ລ້ານໂດລາສະຫະລັດ ຫລື ປະມານ 56 ຕື້ກີບ. ການຕິດຕັ້ງເຄື່ອງເອເລັກໂຕຣນິກທັນສະໄໝຈະເລີ່ມຈາກດ່ານສາກົນຂົວມິດຕະພາບລາວ-ໄທແຫ່ງທີໜຶ່ງ ນະຄອນຫລວງວຽງຈັນ, ຕໍ່ດ້ວຍແຫ່ງທີສອງ ແລະ ສາມ, ຕິດຕັ້ງໃນດ່ານສາກົນ ພາກເໜືອ ບໍ່ເຕັນແດນຄຳ, ພາກກາງຊາຍແດນ ລາວບາວ ສະຫວັນນະເຂດ ແລະ ພາກໃຕ້ ວັງເຕົ່າ-ຊ່ອງເມັກ ແຂວງຈຳປາສັກ ແລະ ຈຸດອື່ນໃນທົ່ວ ປະເທດ.

ໂຄງການຮ່ວມມືຄັ້ງນີ້ ຈະເປັນການເພີ່ມທະວີການຄຸ້ມຄອງຕິດຕາມ ຄົນເຂົ້າ-ອອກ, ພາຫະນະ ແລະ ຜູ້ໂດຍສານ, ລວມທັງການບໍລິການ ເກັບຄ່າທຳນຽມ ຜ່ານດ່ານພາສີທຸກແຫ່ງ ຢ່າງມີປະສິດທິພາບ ແລະ ສະດວກວ່ອງໄວຂຶ້ນ, ທັງເນື່ອງຈາກເຫັນວ່າໄລຍະຜ່ານມາຍັງພົບຄວາມຫຍຸ້ງຍາກສົມຄວນ ໃນວຽກງານຢູແຕ່ລະດ່ານ ແລະ ກໍເປັນນະໂຍບາຍທີສອດ ຄ່ອງຂອງລັດຖະບານ ທີ່ຈະຕ້ອງພັດທະນາໃຫ້ມີຄຸນນະພາບທຽບທັນກັບປະເທດເພື່ອນບ້ານອາຊຽນດ້ວຍກັນ.


ຂໍຂອບໃຈຂ່າວຈາກ http://www.kpl.net.la

 

Add comment


Security code
Refresh