ທູດຈີນສະຫລອງວັນຊາດຄົບຮອບ 63 ປີ

(ຂປລ) ໃນວັນທີ 28 ກັນຍາ 2013 ຢູ່ທີ່ໂຮງແຮມອ່າງຄຳ ນະຄອນຫລວງວຽງຈັນ, ທ່ານ ນາງ ປູ ຈ້ຽນກົວ, ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປ ຈີນ ປະ ຈຳລາວໄດ້ຈັດງານ ລ້ຽງຮັບຮອງເພື່ອສະເຫຼີມ ສະຫລອງວັນຊາດ ສປ ຈີນ ຄົບຮອບ 63 ປີ, (1/10/1949-1/10/2012) ໂດຍການເຂົ້າຮ່ວມໃຫ້ທ່ານ ສົມສະຫວາດ ເລັ່ງສະ ຫວັດ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ, ປະທານຄະນະກຳມະທິການຮ່ວມມືລາວ-ຈີນ, ມີບັນດາລັດຖະມົນຕີ, ທູຕານຸທູດປະເທດຕ່າງໆພ້ອມ ພະນັກງານທີ່ກ່ຽວຂ້ອງເຂົ້າຮ່ວມ.

ໃນໂອກາດນີ້ ທ່ານ ນາງ ປູ ຈ້ຽນກົວ ໄດ້ມີຄຳເຫັນທີ່ສຳຄັນວ່າປະຈຸບັນການພັດທະນາ ຂອງຈີນຍັງຢູ່ໃນໄລຍະຍຸດທະສາດທີ່ສຳຄັນ, ພວກເຮົາມີຄວາມໝັ້ນໃຈ ແລະ ມີຄວາມ ສາມາດຜ່ານ ຜ່າຄວາມຍຸກຍາກຕາມເສັ້ນທາງກ້າວໄປ, ຊຸກຍູ້ການກ້າວເປັນອຸດສະຫະກຳ, ຫັນເປັນຕົວເມືອງ, ຫັນເປັນຂໍ້ມູນຂ່າວສານ ແລະ ຫັນເປັນກະສິກຳ, ສືບຕໍ່ນຳໃຊ້ກຳລັງ ບົ່ມຊ້ອນອັນໃຫຍ່ຫລວງໃນການພັດ ທະນາຍາດເອົາອານາຄົດທີ່ແຈ່ມແຈ້ງກວ່າເກົ່າ, ສປ ຈີນ ແລະ ສປປ ລາວ ເປັນປະເທດທີ່ມີພູ ຜາປ່າໄມ້ ແລະ ແມ່ນ້ຳລຳເຊຕິດຈອດກັນ ຄວາມ ຮັກແພງທີ່ເປັນມູນເຊື້ອຂອງສອງປະເທດໄດ້ເຂົ້າສູ່ສ່ວນເລິກ ຂອງຫົວໃຈຂອງປະຊາຊົນ, ໃນຖານະທີ່ເປັນປະເທດໃກ້ຄຽງສະໜິດສະໜົມກັນ, ໃນຊຸມປີຜ່ານມານີ້ສາຍ ພົວພັນເປັນຄູ່ຮ່ວມມືຍຸດທະສາດຮອບດ້ານໄດ້ຮັກສາທ່າອຽງຂະຫຍາຍຕົວຢ່າງດີງາມ, ສະເພາະປີນີ້ການນຳ ຂັ້ນສູງຂອງສອງປະເທດກໍໄດ້ແລກປ່ຽນຢ້ຽມຢາມເຊິ່ງກັນ ແລະ ກັນ; ເຊຶ່ງການຢ້ຽມຢາມຂອງຜູ້ນຳຂັ້ນສູງ ນັ້ນໄດ້ກາຍເປັນການເສີມຂະຫຍາຍບົດບາດອັນໃໝ່ທີ່ໃຫຍ່ຫລວງ ຕໍ່ການພັດທະນາສາຍພົວພັນສອງປະເທດ ເຊິ່ງໄດ້ເຮັດໃຫ້ຄວາມໄວ້ເນື້ອ ເຊຶ່ອໃຈແບບຍຸດທະສາດລະຫ່ວາງສອງປະເທດ ໄດ້ເພີ່ມທະວີຂຶ້ນເຮັດໃຫ້ການຮ່ວມມືໃນຂົງເຂດຕ່າງໆໄດ້ຮັບການຂະຫຍາຍຕົວຢ່າງເລິກເຊິ່ງ, ເຮັດໃຫ້ການຕັດສິນໃຈຂອງສອງ ປະເທດ ໄດ້ຮັດແໜ້ນຂຶ້ນຕື່ມຄືສືບຕໍ່ຊ່ວຍເຫລືອກັນ ແລະ ພັດທະນາພ້ອມໆກັນຕາມເສັ້ນທາງສັງຄົມນິຍົມ ./.

ຂໍຂອບໃຈຂ່າວຈາກ http://www.kpl.net.la

 
 
 

Add comment


Security code
Refresh