ທ່ານ ຮອງ​ນາຍົກ ຕ້ອນ​ຮັບ​ຄະນະ​ຜູ້​ແທນຣາຊະ​ອານາຈັກໄທ

(ຂປລ) ໃນວັນທີ 28 ກັນຍາ 2012 ຢູ່ທີ່ຫ້ອງວ່າການລັດຖະບານ, ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ, ຜູ້ຊີ້ນຳວຽກງານເສດຖະກິດໄດ້ໃຫ້ກຽດຕ້ອນ ຮັບການເຂົ້າຢ້ຽມຂໍ່ານັບ ຂອງ ທ່ານ ໄພຈິດ ສີວໍລະຂານ ປະທານກຳມາທິການກິດຈະການ ສະພາຜູ້ແທນລາດສະດອນແຫ່ງ ຣາຊະອານາຈັກໄທ ພ້ອມດ້ວຍຄະນະ ໃນໂອກາດ ທີ່ເດີນທາງມາຢ້ຽມຢາມ ສປປ ລາວ ລະຫວ່າງວັນທີ 28-30 ກັນຍາ 2012.

ທ່ານ ຮອງນາຍົກລັດຖະມົນຕີ, ສົມສະຫວາດ ເລັ່ງສະຫວັດ ໄດ້ສະແດງຄວາມຕ້ອນຮັບ ແລະ ຊົມເຊີຍຕໍ່ຄະນະກຳມາທິການກິດຈະການສະພາຜູ້ແທນລາດຊະດອນ ແຫ່ງ ຣາຊະອານະຈັກໄທ ພ້ອມດ້ວຍຄະນະດັ່ງກ່າວທີ່ໄດ້ເດີນທາງມາຢ້ຽມຍາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຊຶ່ງເປັນການປະກອບສ່ວນສຳຄັນເຂົ້າໃນການເສີມຂະຫຍາຍ ສາຍພົວພັນຮ່ວມມື ແລະ ຄວາມເຂົ້າອົກເຂົ້າໃຈອັນດີລະຫວ່າງ ປະຊາຊົນ ແລະ ລັດຖະບານສອງປະເທດ ຈະໄດ້ຮັບການເພີ່ມທະວີໃຫ້ຂະຫຍາຍຕົວ ແລະ ເກີດດອກອອກ ຜົນຍິ່ງຂຶ້ນ.

ໃນໂອກາດນີ້ຄະນະສະພາຜູ້ແທນລາດສະດອນແຫ່ງຣາຊະອານະຈັກໄທ ຕາງໜ້າໃຫ້ລັດຖະບານ ແລະ ປະຊາຊົນ ຂໍສະແດງຄວາມຂອບໃຈຕໍ່ລັດຖະບານ ແລະ ປະຊາຊົນລາວ ທີ່ໃຫ້ການຕ້ອນຮັບໃນຄັ້ງນີ້ ກໍຄືການຮ່ວມມືລະຫວ່າງສອງປະເທດລາວ-ໄທ ໂດຍສະເພາະແມ່ນການຮ່ວມມືໃນການຄ້າການລົງທຶນ ໃນການພັດທະນາເສດຖະກິດ-ສັງຄົມ ໃຫ້ນັບ ມື້ນັບກວ້າງຂວາງຍິ່ງໆຂື້ນໄປ.

ຂໍຂອບໃຈຂ່າວຈາກ http://www.kpl.net.la

 

 


 

Add comment


Security code
Refresh